„Aldrei aftur Tjernobyl”
Áhætta sem fylgir endurvinnslu geislavirks úrgangs er gífurleg. Það ætti því að finna aðrar leiðir við meðferð geislavirks úrgangs. Þetta sagði sænski þingmaðurinn Jan Lindholm, fulltrúi í Norðurlandaráði, á ráðstefnu um kjarnorkuúrgang, sem haldin var í Brussel á miðvikudag. Á ráðstefnunni var sjónum einkanlega beint að umdeilda breska kjarnorkuendurvinnsluverinu í Sellafield.
- Ljósmyndari
- Magnus Fröderberg/norden.org
Sellafield í Norður-Englandi er talið vera hættulegasta iðnaðarsvæði í Evrópu. Þar er bæði geymdur kjarnorkuúrgangur og hann endurunninn. Jan Lindholm líkir saman Sellafield og slysinu við Tjernobyl árið 1986, þar sem ekki einvörðungu nágrenni kjarnorkuversins, heldur einnig Norðurlöndin í þúsunda kílómetra fjarlægð urðu fyrir áhrifum.
Á sumum svæðum Norðurlanda hefur þurft að setja höft á neyslu hreindýrakjöts og mjólkur. Ég tel að allra leiða verði að leita til að minnka áhættu sem fylgir kjarnorkuúrganginum í Sellafield. Það þýðir með öðrum orðum að það verður að minnka úrganginn, segir Jan Lindholm sem er fulltrúi í umhverfis- og auðlindanefnd Norðurlandaráðs.
Norðurlöndin hafa látið til sín taka í málefnum sem varða Sellafield. ekki hvað síst innan Norðurlandaráðs, samstarfsvettvangs norrænu þingana. Á ráðstefnunni í Brussel á miðvikudag voru mættir fulltrúar ESB, Norðurlandanna og Sellafield auk fulltrúa umhverfissamtaka til að ræða um kjarnorkuúrgang.
Tengiliðir
Jan Lindholm
Tölvupóstur
jan.lindholm@riksdagen.se
