Markhópur Norræna loftslagsdagsins þetta árið eru norrænir nemendur og kennarar, en þema ársins er matur og loftslagsmál. Christine Antorini heldur því fram, að frá 4 til 5 ára aldri geti börn skilið hvernig hráefni og hegðun geti haft áhrif á loftslag. Þegar börnin ná unglingsaldri er mikilvægt að skólinn veiti þeim tækifæri til að ræða hvernig hægt er að hafa áhrif, þar sem það er oft á unglingsárunum sem börn fara að vinna hlutastörf og verða neytendur.

„Þegar við ræðum um loftslagsmál við unga fólkið kemur það því oft á óvart að til að mynda fataframleiðsla í heiminum sé ekki neitt sérstaklega umhverfisvæn. Sem ungir neytendur geta þau gert kröfur um að framleiðendur leggi áherslu á sjálfbæra framleiðslu, hvort heldur við framleiðslu fatnaðar eða matvæla.

„Nýi norræni skólinn" - loftslagsvænn skóli

Christine Antorini er undir áhrifum frá nýja norræna eldhúsinu og hefur kynnt hugtakið „Nýr norrænn skóli", framtíðarsýn sem byggir á umhverfisvernd. Hún bendir á þróunina undanfarin ár, þar sem góðir norrænir matreiðslumenn hafa farið að nýta hefðbundið norrænt hráefni og matreiðsluhefðir og gefið þeim nýtt líf.

„Það er mikilvægt að vera stoltur af uppruna sínum, hvort heldur við ræðum um matar- eða skólahefðir. Sameiginlegar norrænar skólahefðir byggja á samstarfi, ábyrgð á umhverfinu og félagslegri ábyrgð innan veggja skólans. Framtíðarsýnin um nýja norræna skólann felur í sér endurupptöku skólahefða, að láta nýja norræna eldhúsið verða sér hvatningu og því að við spyrjum okkur hvað við viljum að framtíðin beri í skauti sér. Jafnframt getum við leyft okkur að fá hugmyndir frá öðrum löndum," segir ráðherrann.

Kai Koivumäki
Sími +45 21 71 71 24
Tölvupóstur kkoi@norden.org

Heidi Orava
Sími +45 33 96 04 60
Tölvupóstur heor@norden.org