„Svæðisbundið samstarf og pólitísk forysta geta styrkt stöðu lítilla landa, það hefur reynslan sýnt okkur á Norðurlöndum“. „Svæðisbundið samstarf og pólitísk forysta geta styrkt stöðu lítilla landa, það hefur reynslan sýnt okkur á Norðurlöndum. Fyrir lítil lönd, eins og norrænu ríkin, getur svæðisbundið samstarf stuðlað að því að auka alþjóðlega samkeppnishæfni, til að mynda með samþættum mörkuðum, samnýtingu auðlinda, miðlun reynslu og í alþjóðlegu samstarfi“, segir Halldór Ásgrímsson, framkvæmdastjóri Norrænu ráðherranefndarinnar, í upphafi ráðstefnunnar Baltic Development Forum sem haldin er í höfuðborg Litháen, Vilníus dagana 1. og 2. júní.

Þema ráðstefnunnar í ár er: „Evrópskar áskoranir – svæðisbundnar lausnir: áætlun um vinnu, fjárfestingar og sjálfbæran hagvöxt“. Þátttakendur í ráðstefnunni verða meðal annars ráðherrar, stjórnmálamenn og forystumenn úr atvinnulífinu á Eystrasaltssvæðinu. Norræna ráðherranefndin er samstarfsaðili BDF.

Halldór Ásgrímsson mun taka þátt í vinnustofu um skýrsluna State of the Region (stöðumat á svæðinu), sem gefin er út í tengslum við ráðstefnu BDF. Í skýrslunni kemur meðal annars fram að efnahagslíf í ríkjum við Eystrasalt hefur orðið fyrir meiri áhrifum af hinni alþjóðlegu efnahagsþróun en önnur ESB og OECD ríki.

„Ég tel mikilvægt það sem fram kemur í skýrslunni að mesta ógnin stafar ekki af samkeppni við aðra heimshluta heldur viljaleysii til að breyta nokkru heimafyrir. Á krepputímum er áberandi að þeir sem geta tekist á við breytingar og hafa hæfileika til að aðlagast nýjum aðstæðum standa sig best“, segir Halldór Ásgrímsson. Norræna ráðherranefndin og Evrópski fjárfestingabankinn fjármögnuðu gerð skýrslunnar.

Norræna ráðherranefndin mun verða með sýningarbás á ráðstefnu BDF dagana 1. – 2. júní. Þar verður tekið viðtal við þá Matti Vanhanen forsætisráðherra Finnlands og Uffe Ellemann Jensen fyrrum utanríkisráðherra Danmerkur og nú formann BDF, miðvikudaginn 2. júní.

Á sýningarbásnum verður einnig kynnt verkefni Norðurlanda í æðri menntun í Hvíta-Rússlandi. Hvernig er að vera námsmaður í útlegð í háskólanum European Humanities University (EHU) í Vilníus? Og hvers vegna EHU leitar nú eftir stuðningsaðilum í alþjóðasamfélaginu? Svör við þessum spurningum fást í norræna sýningarbásnum þriðjudaginn 1. júní kl. 11.30. Þar standa fyrir svörum einn af námsmönnum EHU og Dan Davidson fulltrúi stjórnar EHU.

Lene Espersen utanríkisráðherra Danmerkur tekur þátt í ráðstefnunni og reiknað er með að húnheimsæki sýningarbás Norrænu ráðherranefndarinnar. Danmörk fer með formennsku í Norrænu ráðherranefndinni 2010.

Nánar um námstefnu EHU í tengslum við BDF

Silje Bergum Kinsten
Sími +45 33 96 02 51
Tölvupóstur siki@norden.org