Bjóða ráðherrum Norðurlanda og Eystrasaltsríkja til ráðstefnu um rafræna þróun
„Norðurlönd og Eystrasaltsríkin eru í fararbroddi í Evrópu á sviði rafrænnar þróunar. Nánara samstarf landanna getur aukið verðmætasköpun, fjölgað störfum og stuðlað að bættri þjónustu við íbúana þvert á landamæri grannríkjanna í norðri,“ segir Jan Tore Sanner.
Ráðstefnuna Digital North sækja norrænir og baltneskir ráðherrar sem fara með stefnu í rafrænni þjónustu auk fulltrúa atvinnulífsins á svæðinu. Einnig mæta háttsettir fulltrúar Efnahags- og framfarastofnunarinnar (OECD) og framkvæmdastjórnar ESB. Rætt verður um umskipti til rafrænnar tækni, rafræna þjónustu hins opinbera, snjöll samfélög, deilihagkerfi og nánara samstarf stjórnmálafólks um rafræna þróun á Norðurlöndum og í Evrópu.
Bætt svæðissamstarf um rafræna þróun getur styrkt samkeppnisfærni landanna og svæðisins í heild.Bætt svæðissamstarf getur styrkt samkeppnisfærni
„Bætt svæðissamstarf um rafræna þróun getur styrkt samkeppnisfærni landanna og svæðisins í heild,“ segir Frank Bakke-Jensen.
Ýmsar rannsóknir benda á sóknarfæri í efldu samstarfi Norðurlanda á þessu sviði. Með Eystrasaltslöndunum verður efnahagslegur ávinningur enn meiri og velferðin eykst.
„Norðmenn eru komnir vel á veg á sviði rafrænnar þróunar. Á sama tíma sjáum við að önnur norræn lönd og Eystrasaltsríki eru enn framar á sumum sviðum. Því tel ég mikinn ávinning felast í efldu samstarfi,“ segir Jan Tore Sanner.
Ráðstefnan Digital North
Norðmenn gegna formennsku í Norrænu ráðherranefndinni á árinu 2017. Er þetta í fyrsta sinn sem fjallað er um rafræna þróun á ráðherrastigi.
Að ráðstefnunni Digital North kemur Kommunal- og moderniseringsdepartementet í Noregi í samstarfi við Norrænu ráðherranefndina og Norrænu nýsköpunarmiðstöðina.
