Þúsundir ungmenna tóku þátt í Norræna loftslagsdeginum í fyrra, og leystu verkefni með sms skilaboðum. Á þessu ári er heimsíða loftslagsdagsins, klimanorden.org, þungamiðja dagsins, en þar eru fjölmörg gagnvirk verkefni og verkefnahugmyndir.

Jafnframt tengist loftslagsdagurinn norrænu tungumálaátaki sem á að bæta þekkingu ungmenna á dönsku, norsku og sænsku. Þannig reynir einnig á tungumálakunnáttu nemenda þegar þeir fræðast um loftslagsmálin.

- Mér finnst Norræni loftslagsdagurinn vera gott dæmi um raunverulegt norrænt samstarf. Þessi hugmynd er stórkostleg. Hún samþættir fræðslu í raungreinum og notkun rafrænna miðla, svo og skandínavískra tungumála. Ég vona að margir skólar taki þátt í Norræna loftslagsdeginum, segir Tina Nedergaard, menntamálaráðherra Dana, sem leiðir norræna ríkisstjórnasamstarfið á menntasviði þetta árið.

Ráðherrarnir hittust mánudaginn 8.nóvember og voru sammála um að Norræni loftslagsdagurinn sé kominn til að vera.

Fjölmargar stofnanir halda daginn hátíðlegan. Tengslanetið ”Life science to classroom” stendur m.a. fyrir sameiginlegum viðburði í Danmörku, Svíþjóð og Noregi, þar sem nemendur fara út á sama tíma og mæla losun koltvísýrings á ýmsum stöðum og nota niðurstöðurnar í verkefnavinnu.

Háskólinn í Lundi stendur fyrir viðburði ásamt sveitarfélaginu og ungmennasamtökum bæjarins til þess að athuga hvor hægt sé að minnka losun gróðurhúsalofttegunda frá umferð yfir Eyrarsund. Hafnarháskóli mun leggja áherslu á hvernig best er að upplýsa nemendur í skólum um ástandið í loftslagsmálum

Menntamálaráðuneytið á Íslandi heldur ráðstefnu um loftslagsverkefni í skólum.
Finnski menntamálaráðherrann fer í heimsóknir í skóla og í Danmörku verður haldin ráðstefna í samvinnu við UNESCO, um menntun í sjálfbærri þróun, þar sem María krónprinsessa verður meðal gesta.

Nánari upplýsingar á klimanorden.org

Emelie Barbou des Places
Sími +45 29 69 29 38
Tölvupóstur emca@norden.org

Michael Funch
Sími +45 33960332
Tölvupóstur mifu@norden.org