Eins árs afmæli: Norrænir neytendur vilja meira af matvælum merktu skráargatinu
Skráargatið hefur á skömmum tíma náð fótfestu meðal norrænna neytenda sem næringarmerki. Í Svíþjóð eru meira en 2.500 vörur merktar með Skráargatinu, í Noregi 5-600, og í Danmörku að minnsta kosti 500.
- Ljósmyndari
- Johannes Jansson/norden.org
Vörum merktum skrágatinu fjölgar hratt í Danmörku og Noregi, þar sem merkið var tekið í notkun fyrir ári. Greiningarfyrirtækið ”YouGov Zapera” hefur kortlagt stöðu Skráargatsins meðal 1.200 neytenda í hverju landi og er það liður í reglulegu mati á merkinu.
Könnunin sýnir að neytendur vilja fleiri vörur merktar Skáargatinu. Framleiðsla hollrar matvöru er einmitt eitt af meginmarkmiðum opinberra næringarmerkja. Það lítur því út fyrir að stór markaður sé fyrir matvörur sem uppfylla skilyrði Skráargatsmerkisins og það er kostur fyrir framleiðendur að markaðurinn er norrænn.
Vörur merktar Skáargatinu uppfylla eitt eða fleiri af eftirfarandi skilyrðum: þær eru með minni og hollari fitu, minni sykur, minna salt, meira af trefjum og heilkorni. Skilyrðin byggja á norrænu næringarráðunum sem Norræna ráðherranefndin lætur endurskoða áttunda hvert ár.
– Ég sé góða möguleika á að norrænt samstarf geti nýtt sér reglulegt og sameiginlegt mat og eftirfylgni, nú þegar Skráargatsmerkið fagnar eins árs afmæli í þremur norrænum ríkjum, segir Halldór Ásgrímsson, framkvæmdastjóri Norrænu ráðherranefndarinnar.
Í ríkjunum þremur er almenn þekking á Skráargatsmerkinu góð. Í Danmörku þekkja 83% af þeim sem sjá um matarinnkaup merkið. Í Noregi eru það 89% og í Svíþjóð, þar sem Skráargatsmerkið hefur verið notað í 20 ár, þekkja 98% þeirra sem sjá um matarinnkaup til merkisins.
Jafnvel þó margir þekki merkið sýnir rannsóknin að fólki finnst það ekki nægilega áberandi og það vill fleiri næringamerktar vörur.
75% Dana telja að lítið eða mjög lítið framboð sé á vöru merktri með Skráargatinu. Í Svíþjóð eru að sjálfsögðu mun fleiri vörur merktar með Skráargatsmerkinu en í Danmörku og Noregi, en merkið hefur verið notað þar í 20 ár. Engu að síður telja meira en 31% Svía að úrval slíkrar vöru sé lítið eða mjög lítið. Í Noregi telja 60% að úrvalið sé lítið og nær helmingur svarar því til að þeir myndu kaupa fleiri vörur með Skráargatsmerkinu ef framboðið væri meira.
Niðurstöður könnunarinnar verða m.a. notaðar til að endurskipuleggja kynningarherferðir fyrir Skráargatsmerkið. Þannig má samnýta þekkingu og reynslu í öllum norrænu ríkjunum.
Heimasíða NMR um Skráargatsmerkið (með krækjum á síður í hverju landi fyrir sig)
