- Öflugt norrænt ESB-samstarf er einn af hornsteinunum í endurnýjuðu og nútímalegra samstarfi norrænu þjóðþinganna, segir Bente Dahl (RV), formaður Miðflokkahópsins í Norðurlandaráði og þingmaður á danska þinginu.

Miðflokkahópurinn hefur boðið sænska þjóðfélagsrýninum og sagnfræðingnum Gunnari Wetterberg og Lars Hovbakke Sørensen frá háskólanum í Árósum til umræðufundar í Stórþinginu í Ósló. Markmið fundarins er að fá fram hugmyndir til að nota við stefnumótun.

Gunnar Wetterberg lagði til í umdeildri blaðagrein sem birtist í sænska dagblaðinu Dagens Nyheter, að stofnað yrði norrænt sambandsríki. Hann telur að slíkt sambandsríki muni hafa meiri efnahagslega þýðingu á alþjóðavettvangi, því Danmörk, Svíþjóð, Noregur, Finnland og Ísland gætu sameiginlega myndað 10. stærsta hagkerfi heims.

Lars Hovbakke Sørensen mun í framsöguerindi sínu leita svara við því hvernig norrænu ríkin geti betur samræmt stefnu sína innan ESB

- Þingmannasamstarfið í Norðurlandaráði er mikilvægur vettvangur sem þarf að endurnýja og þróa áfram. Endurskipuleggja verður Norðurlandaráð á þann hátt að það styrki nánari tengsl milli norrænu þjóðþinganna og hinna fjölmörgu nefnda þeirra, segir Dagfinn Høybråten (Krf) fulltrúi í Miðflokkahópnum og forsætisnefnd Norðurlandaráðs, en hann situr einnig fundinn.

Þingmenn frá öllum norrænu ríkjunum sitja fundinn sem haldinn er samhliða vorfundum Norðurlandaráðs í Ósló dagana 13.-14. apríl.

Viðburðurinn verður haldinn í Komitéhuset í Stórþinginu, Høringssal K-212, frá klukkan 14.00 mánudaginn 12. apríl.

Skráning

Aðeins skráðir þátttakendur geta setið fundinn. Sendið ósk um skráningu til Henrik Killianders á netfangið heki@norden.org

Terhi Tikkala
Sími +358 9 432 2559
Tölvupóstur terhi.tikkala@eduskunta.fi

Silje Bergum Kinsten
Sími +45 33 96 02 51
Tölvupóstur siki@norden.org