Ungt fólk á Norðurlöndum á sífellt erfiðara með að skilja hvert annað.

Nýtt norrænt verkefni, De Nordiske Sprogpiloter, á að bæta úr því vandamáli. Og verkefnið byrjaði svo vel að það vakti athygli í Brussel.

„Verkefnið fjallar að hluta til um fjöltyngi og fjölbreytileika tungumálsins, og að hluta til um það að hefjatungumálakennslu snemma og þá sérstaklega um samstarf á milli þjóða”, segir Lis Madsen.

Norðurlandaráðsþing verður haldið í Stokkhólmi dagana 27.-29. október og þar munu ráðherrarnir greina frá stöðu Nordiske Sprogdeklaration, en markmið hennar er að auka málskilning á milli Norðurlandanna.

„Þar kemur verkefnið einnig við sögu, markmið þess er að taka á erfiðu vandamáli: Gagnkvæmum norrænum tungumálaskilningi”, segir Lis Madsen.

Hún hefur ásamt Per Ivar Vaagland, framkvæmdastjóra sjóðsins dansk-norskrar samvinnu, unnið að þróun De Nordisk Sprogpiloter og meðal annars unnið hugmynd að námskeiði, sem hefur nýst mjög vel í endurmenntun norræna grunnskólakennara.

Að kenna kennurum

Verkefnið Nordiske sprogpiloter hófst vorið 2007.

Markmiðið með verkefninu er að mennta norræna grunnskólakennara í því að kenna norræn tungumál sem grannþjóðatungumál og erlend tungumál, þannig að ungt fólk á Norðurlöndum geti áfram átt samskipti á skandínavísku tungumáli.

Markhópur verkefnisins er grunnskólakennarar á Norðurlöndum, sem jafnframt eru leiðbeinendur í verknámi fyrir kennaranema.

Tilraunaverkefninu lauk árið 2008, en ný námskeið verða haldin og aðferðir og námsefni þróað á tímabilinu 2009-2011.

Verkefnið er styrkt af Norrænu ráðherranefndinni, Norræna menningarsjóðnum og norrænu stofnununum: Sjóðnum um danskt-norskt samstarf og menntunarmiðstöðvunum Voksenåsen (Ósló) og Hanaholmen (Helsinki).

Hingað til hafa 59 kennarar útskrifast. Næstu 25 ljúka námi í nóvember 2009.

Hulda Zober Holm
Sími +45 33 96 03 76
Tölvupóstur hzh@norden.org