Framleiðendur skreyta sig með lánsfjöðrum
Ný eftirlitsskýrsla um notkun umhverfismerkisins Svanurinn í Danmörku leiðir í ljós að einstakir framleiðendur misnota merkið. Þetta heyrir þó til undantekninga annars staðar á Norðurlöndum og almennt er um að ræða mjög fá tilvik miðað við hve margir hafa leyfi til að nota merkið.
Ný eftirlitsskýrsla frá Umhverfismerkingum Danmerkur leiðir í ljós að einstaka framleiðendur skreyta sig með lánsfjöðrum Svansmerkisins og nota það án tilskilinna heimilda.
Ef miðað er við fjölda þeirra sem hafa rétt til að nota merkið er þó um tiltölulega fá tilvik að ræða og hafa bæði eftirlitsaðilar og þeir sem nota merkið stöðugt eftirlit með svansmerkinu um öll Norðurlönd.
„Svanurinn er virtasta og traustasta umhverfismerki heims. Enda þótt það sé til háborinnar skammar að merkið sé misnotað, er engin ástæða til að efast um gæði þess mikla starfs, sem umhverfismerkinganefndir í þjóðlöndunum inna af hendi til að tryggja að svansmerkt vara standist gæðakröfur", segir Halldór Ásgrímsson framkvæmdastjóri Norrænu ráðherranefndarinnar.
Svanurinn er ein af þeim umhverfismerkingum í heiminum sem gerir mestar kröfur til framleiðslugæða og kannanir sýna að Svanrinn er eitt sterkasta merkið á markaði. Neytendakönnun sem gerð var 2011 sýndi fram á að Svanurinn er þekktasta umhverfismerkið á Norðulöndum og með mestan trúverðugleika.
Í skýrslu Norrænu ráðherranefndarinnar til norrænu umhverfisráðherranna frá 2010 kemur fram að Svansmerkið sé nýtt í 65 framleiðsluvöruflokkum, sem telji rúmlega 5.000 vörur. 2.000 nýtingarleyfi hafa verið veitt rúmlega 1.000 fyrirtækjum Á árinu 2010 fundust um 100 dæmi um misnotkun á merkinu.
Nánar í eftirlitsskýrslunni (á dönsku)
Tine Due Hansen Svanen - Danmörku 0045 22 85 15 55
Tengiliðir
Tine Due Hansen
Svanen - Danmark
0045 22 85 15 55
