Grænn vöxtur á norðurslóðum og Norður-Atlantshafi – nýtt tölublað af „Green Growth the Nordic Way“
Verkefnið Growth in Blue Bioeconomy (Vöxtur í bláa lífhagkerfinu) á Norðaustur-Atlantshafi og norðurskautssvæðinu gengur út á að kanna tækifæri í atvinnugeira sem hefur grundvallarþýðingu fyrir hagkerfin í norðri, það er að segja fiskveiðar og fiskeldi.
Í tveimur öðrum verkefnum sem NORA – Norræna Atlantssamstarfið, hefur umsjón með, eru kannaðar aðferðir til sjálfbærrar upphitunar á afskekktum stöðum og möguleikar á að búa til orkusparandi flutningakerfi á norðurslóðum. NORA er milliríkjastofnun sem heyrir undir Norrænu ráðherranefndina.
Að lokum er fjallað um Plan Nord, alþjóðlegt málþing um þróun á norðurslóðum, sem haldið er af Norrænu ráðherranefndinni í samstarfi við ríkisstjórn Québec. Einnig eru sagðar ýmsar aðrar fréttir af norðurslóðum.
Fréttabréfið „Green Growth the Nordic Way“ er að finna á slóðinni www.nordicway.org
Hægt er að fylgjast með starfi okkar á Facebook