Document Actions

Hver er framtíðarstefna norrænu ríkjanna í neytendamálum?

Hvað ætla Danir á formennskuári sínu í Norrænu ráðherranefndinni að gera til þess að byggja upp neytendasamstarf á Norðurlöndum? Borgara- og neytendanefndin sendir nú fyrirspurnir til norrænu samstarfsráðaherranna um framtíðarstefnu Norðurlandanna á sviði neytendamála.

27/01 2010
Konsument

Hvað ætla Danir á formennskuári sínu í Norrænu ráðherranefndinni að gera til þess að byggja upp neytendasamstarf á Norðurlöndum?

Ljósmyndari
Johannes Jansson/Norden.org

- Bertel Haarder samstarfsráðherra Danmerkur sagði á kynningu á formennskuáætlun Dana í Norrænu ráðherranefndinni fyrir danska þingið að ef óformlegt samstarf um neytendamál virkar ekki, verði að hefja á ný formlegt samstarf um málefnið. Þess vegna viljum við vita hvernig óopinbera samstarfið hefur virkað síðan árið 2006, segir Henrik Dam Kristensen, fulltrúi í borgara- og neytendanefndinni og flokkahópi jafnaðarmanna í Norðurlandaráði.

Ráðherranefnd um neytendamál var lögð niður 2006. Atvinnulífið og neytendasamtök vilja nú að opinbert samstarf hefjist á ný. Fulltrúar frá samtökum atvinnulífsins í Danmörku (Dansk Erhverv) og dönskum og evrópskum neytendasamtökum tóku þátt í málþingi nefndarinnar um neytendamál í Kaupmannahöfn, miðvikudaginn 27. janúar.

- Við þurfum að endurvekja opinbert norrænt samstarf félaga, stjórnvalda og ráðuneyta um neytendastefnu til þess að samhæfa ESB-starfið á öllum stigum ferlisins - bæði fyrir og eftir framkvæmd, sagði Benedicte Federspiel frá dönsku neytendasamtökunum (Forbrugerrådet) á miðvikudag.

Borgara- og neytendanefnd Norðurlandaráðs hefur um nokkurt skeið unnið að því að koma neytendamálum á dagskrá norræns samstarfs. Málþingið um neytendamál var haldið samhliða janúarfundum Norðurlandaráðs í Kaupmannahöfn.

Tengiliðir

Silje Bergum Kinsten
Sími +45 33 96 02 51
Tölvupóstur siki@norden.org

Tengt efni
  • Grein: Neytendur hafa gagn af norrænu samstarfi (News Item)

    Norrænir neytendur mæta fjölmörgum hindrunum í daglegu lífi. Ef keypt er skyrta í sænskri verslun í Málmey er ekki hægt að skipta henni hjá sömu verslunarkeðju handan Eyrarsunds. Og ef senda á 100 danskar krónur milli banka á Norðurlöndum, getur neytandinn átt á hættu að þurfa að greiða 105 krónur danskar fyrir að veita þeim móttöku. Til að ryðja þessum hindrunum úr vegi og bæta norræna samstarfið til hagsbóta fyrir neytendur, verður að formgera neytendasamstarf á Norðurlöndum.