-Íslendingar ættu ekki að taka fleiri lán
Daniel Gros framkvæmdastjóri miðstöðvar um Evrópurannsóknir (Center for European Policy Studies), gagnrýnir þá aðferð sem íslenska ríkið ætlar að nota til þess að komast í gegnum kreppuna, en hún felst meðal annars í því að taka fleiri lán og bíða með afborganir í fimm ár. Þetta kom fram á málþingi sem Norðurlandaráð hélt í Kaupmannahöfn þriðjudaginn 26. janúar.
- Ljósmyndari
- Johannes Jansson/norden.org
- Það verður að hefjast handa nú þegar. Í stað þess að safna skuldum ættu Íslendingar tafarlaust að hefja endurgreiðslur, og þá gæti hagvöxtur hafist að fimm árum liðnum, sagði Gros á fundi með Miðflokkahópnum í Norðurlandaráði í Kaupmannahöfn þann 26. janúar. Daniel Gros er hagfræðingur og situr í stjórn Seðlabanka Íslands.
Hann svaraði spurningu Bente Dahl, formanns Miðflokkahópsins, um hvernig Norðurlöndin gætu gegnt mikilvægara hlutverki við að aðstoða Íslendinga úr þessari erfiðu stöðu:
Ég lít svo á að þetta snúist ekki um fjárhagslega aðstoð. Reyndar skulda Íslendingar mikið, en .eir þurfa kannski helst aðstoð við að endurfjármagna skuldirnar. Gros ítrekaði þá skoðun að Íslendingar ættu ekki að þiggja fleiri lán, hvorki frá Alþjóðagjaldeyrissjóðnum né öðrum.
Hann telur að Íslendingar ættu að draga enn frekar úr neyslu, ekki halda genginu óeðlilega háu og hefja tafarlaust endurgreiðslur á lánum. Í stað þess að ýta á undan sér skuldabyrðinni. Það mun samkvæmt Gros gera ástandið enn erfiðara seinna.
Daniel Gros var í Kaupmannahöfn til þess að skýra út fyrir fulltrúum í Miðflokkahópnum, sem sátu janúarfund Norðurlandaráðs, hvernig kreppan varð til og hvers vegna hún varð eins djúp sem raun ber vitni.
