Krónprinsparið tekur þátt í verðlaunaafhendingu Norðurlandaráðs
Dansk-sænska söngkonan Caroline Henderson er kynnir verðlaunaafhendingarinnar þar sem verðlaun Norðurlandaráðs fyrir barna- og unglingabókmenntir, kvikmyndir, bókmenntir, starf að umhverfismálum og tónlist verða afhent af fyrri handhöfum þeirra.
Verðlaunaafhendingunni verður streymt beint á streymiþjónustu DR, DR TV, og þar verður einnig hægt að horfa á hana síðar. Athöfninni verður jafnframt streymt á RÚV og sænskumælandi hluta finnska ríkisútvarpsins YLE. Norska ríkisútvarpið streymir afhendingunni á nrk.no og sendir athöfnina með texta á rásinni NRK2 miðvikudagskvöldið 2. nóvember. Sænska ríkissjónvarpið SVT sendir verðlaunaafhendinguna út með lítilsháttar seinkun á SVT Play. Hún verður jafnframt sýnd í Færeyjum.
Verðlaunaafhending Norðurlandaráðs fer fram í tengslum við þing ráðsins í Kaupmannahöfn dagana 1.–3. nóvember.
- Skráning fjölmiðla
- Nánar um verðlaunaafhendinguna
