„Það er ekki síst vegna pólitísks þrýstings frá Norðurlöndunum að loftslagsvandinn er kominn efst á dagskrá í ESB. Við eigum að beita sameiginlegum norrænum þrýstingi”, sagði Rasmussen.

Henrik Dam Kristensen (S) fulltrúi í Norðurlandaráði lýsti áhyggjum af því að ESB sýndi ekki nægilegan metnað gagnvart loftslagssáttmálanum í Kaupmannahöfn og vill ekki að samningurinn verði lagalega bindandi, heldur láta pólitískan samning nægja.

Lars Løkke Rasmussen sagði önnur norræn ríki væru mikilvægustu bandamennirnir í baráttunni fyrir metnaðarfullum alþjóðlegum loftslagssamningi, en þar er næsta skref fundur í Evrópuráðinu á fimmtudag.

„Það er álit mitt að það sé ósk leiðtoga heimsins að nýr pólitískt bindandi loftslagssamningur náist í Kaupmannahöfn - bindandi pólitískur samningur sem er virkur frá fyrsta degi”.

Løkke Rasmussen vakti einnig athygli á Eystrasaltsstefnu ESB sem raunverulegu dæmi um hvernig Norðurlönd mynda virðisauka í evrópsku samhengi.

„Eystrasaltsstefnan er einnig dæmi um að Norðurlöndunum hefur tekist að beita þrýstingi og að orðið hefur til umhverfisvænt innihald, sagði forsætisráðherrann.