Foreldrar, búseta og félagsleg staða hafa, að því er virðist, stöðugt meiri áhrif á árangur í skólanum.

Þetta kemur fram í niðurstöðum nýrrar skýrslu um menntakerfin á Norðurlöndum.

Skýrslan „Northern Lights on PISA 2006“, er gefin út af Norrænu ráðherranefndinni, en í henni er borinn saman árangur grunnskólanemenda í norrænu ríkjunum fimm.

Finnar er sem fyrr í efsta sæti, en Norðmenn, Danir og Íslendingar eru allir undir meðaltali OECD- ríkja. Svíar er í fararbroddi hvað varðar endurskipulag á menntakerfi, en talið er að Finnar sé tveimur árum á undan öðrum þjóðum, hvað varðar námsárangur og kennslu.

Þrátt fyrir mikinn mun milli landa komast skýrsluhöfundar að því að nemendur á Norðurlöndum minni mikið hver á annan, þ.e. hvernig þeir svara PISA-könnuninni.

„Það getur átt sér rætur í tungumálinu, en einnig í sögulegum og menningarlegum bakgrunni“ , segir einn af skýrsluhöfundunum, Svein Lie, , Oslo Universitet.

Skýrslan „Northern Lights on PISA“ var kynnt á ráðstefnu sem haldin var á Íslandi dagana 17. og 18. ágúst í samstarfi Norrænu ráðherranefndarinnar og menntamálaráðuneytisins. Ráðstefnan var hluti af formennskuáætlun Íslands í Norrænu ráðherranefndinni.

„Ástæðan fyrir því að við  vinnum saman er líklega fyrst og fremst sú að við teljum okkur geta lært hvert af öðru, haft gagn hvert af öðru. Við getum miðlað hvert öðru á jafnréttisgrundvelli. Í því er styrkur norræns samstarfs einmitt fólginn. Norrænu PISA rannsóknirnar eru eitt dæmi um slíkt“, segir Katrín Jakobsdóttir menntamálaráðherra.

Í skýrslunni eru árangur norrænu ríkjanna í PISA könnuninni árið 2006 borinn saman, og sérstaklega litið til kunnáttu í náttúrufræði. Tvær fyrri PISA-skýrslur frá árunum 2000 og 2003 lögðu áherslu á mat á lestrarkunnáttu og stærðfræðikunnáttu.

Skýrslan í heild