Viðburðurinn verður haldinn utan norrænna landamæra, nánar tiltekið í Berlín, borginni sem fyrir 20 árum síðan efldi samþættingu í Evrópusamstarfi og opnaði mörg landamæri - bæði landfræðileg og huglæg.

Umræðuvettvangurinn er liður í umræðu um hlutverk Norðurlanda í hnattvæddum heimi og til að undirstrika að list og menning séu mikilvægir og ímyndarskapandi þættir í alþjóðlegu samstarfi og samskiptum. Norrænu ríkin hafa hvert fyrir sig uppi áætlanir um að byggja upp ímynd. Samhliða aðgerðum þeirra fer fram norrænt samstarf um að kynna menningarsamstarf og listir og sýna Norðurlönd sem svæði með fjölbreytt, nýstárlegt og skapandi menningarlíf.

Margir hafa hag af menningu og listum - allt frá einstökum listamönnum til stjórnmálamanna sem starfa á vettvangi menningarinnar. Á fundinn í Berlín koma saman fulltrúar allrar "virðiskeðjunnar" og gegna þeir ólíkum hlutverkum við að kynna, koma á framfæri, búa til vörumerki, flytja út, keppa um og meta áhrif norrænnar listar og menningar. Samstarf byggist á samskiptum! Þess vegna mun þessi viðburður fyrst og fremst snúast um samskipti og umræður, miðlun á reynslu og skoðanaskiptum um hvað við á Norðurlöndum getum gert í sameiningu

Vettvangurinn hefst með samtali tveggja sagnfræðinga um sjálfsímynd. Á dagsrká eru erindi annarra alþjóðlegra sérfræðinga sem hafa markaðssett menningarafurðir og kynnt verða áhugaverð dæmi um aðgerðir bæði í löndunum og sameiginlega.

Mennignarvettvangurinn stendur yfir dagana 23.-24. nóvember 2009 í sameiginlegu sendiráði Norðurlanda í Berlín.

Norræna menningargáttin skipuleggur viðburðinn að frumkvæði Norrænu ráðherranefnarinnar og í samstarfi við Rösshka-safnið í Gautaborg og norrænu sendiráðin í Berlín.

Nýjustu upplýsingar um umræðuvettvanginn eru á på www.kulturkontaktnord.org

Jesper Schou-Knudsen, ráðgjafi hjá Norrænu ráðherranefndinni
Sími: +45 21 71 71 35
jsk@norden.org