Norrænn nýsköpunarsjóður getur orðið að veruleika. Ráðherrarnir munu halda áfram að ræða stofnun nýsköpunarsjóðs, Nordic Innovation Fund, í samstarfi við Evrópska nýsköpunarsjóðinn (EIF), sem mundi leggja til þriðjung fjármagns. Tillagan felur í sér háar fjárfestingar, 250 milljónir evra, og jafnframt 50 milljóna evra framlag til  svonefndra ˵viðskiptaengla“.

Ráðherrarnir ræddu nýja samfélagsstefnu ESB og sameiginlegar aðgerðir til að hafa áhrif á nýjar reglur byggðasjóða og ríkisstyrki til byggðasamsamstarfs.

Byggðaþróun á Norðurlöndum var einnig til umræðu, þar sem sjónum var beint að lýðfræðilegum úrlausnarefnum. Meðal annars var rætt um möguleika á því að safna saman fyrirmyndardæmum um  lausnir á lýðfræðilegum vandamálum  á ólíkum svæðum á Norðurlöndum, dæmum sem styðjast mætti við í svæðisbundnum verkefnum.

Ráðherrarnir styrkja áfram norrænt samstarf um okrunýtingu, endurnýjanlega orku og vistvæna vöruflutninga.

Ráðherrarnir leggja áherslu á mikilvægi þess að efla og viðhalda norræna samstarfinu um raforkumarkað. Vinna við sameiginlegan markað, nýtingu endurnýjanlegrar orku og norræn raforkunet er talin hagkvæm. Ráðherrarnir ákváðu að skilgreina sameiginleg úrlausnarefni og aðgerðir sem gætu bætt samstarfið um norræna raforkumarkað. Fyrst og fremst starf sem gæti tryggt raforku til allra og virkan markað, ekki síst með tilliti til neytenda.

Ráðherrarnir funduðu dagana 13. og 14. október 2011 í Helsinki. Finnar fara með formennsku í Norrænu ráðherranefndinni 2011.