Norrænn loftslagsdagur verður endurtekinn árið 2010
Norræna ráðherranefndin hefur ákveðið að endurtaka verkefnið Norræna loftslagsdaginn, fyrir nemendur skóla á öllum Norðurlöndunum fimm. Norræni loftslagsdagurinn verður aftur þann 11. nóvember. Jafnframt hefur verið ákveðið að loftslagsmál verði þema Nordplus áætlunarinnar, en hún nær til Norðurlandanna og Eystrasaltsríkjanna.
Norræna ráðherranefndin og norrænu menntamálaráðherrarnir skipulögðu viðburði fyrir alla skóla á Norðurlöndum í tengslum við norrænar aðgerðir vegna loftslagsráðstefnunar COP15.
Viðburðurirnir fólust meðal annars í sms-samkeppni og fjölda annarra verkefna á Norræna loftslagsdeginum, 11. nóvember.
Loftslagsmál verða aftur í brennidepli í kynningarherferðinni, sem ýtt verður úr vör að loknum sumarleyfum. Hátindur verkefnisins verður þann 11. nóvember.
Norræna ráðherranefndin setti upp vefsíðu fyrir Loftslagsdaginn 2009, en síðan á að virka sem hvatningar- og þekkingarvettvangur milli Norðurlandanna, nánari upplýsingar eru á klimanorden.org
Á vefsíðunni klimanorden.org er hægt að gerast áskrifandi að fréttabréfi, þar sem nánari upplýsingar verða birtar um Norræna loftslagsdaginn eftir því sem verkefnið þróast.
Nordplus áætlunin tekur einnig þátt í verkefninu í ár.
Nordplus umsóknarfrestur rennur út 1. mars. Loftslagsmál er eitt af þeim þemum sem sett verða í forgang.
