Frjáls félagasamtök gegna mikilvægu hlutverki í samstarfi Norrænu ráðherranefndarinnar við Eystrasaltsríkin og Norðvestur-Rússland.

Í tilraunaverkefninu þar sem unnið er með ungum afbrotamönnum, hefur hjálparstofnun kirkjunnar í Danmörku með stuðningi frá Norrænu ráðherranefndinni, ýtt úr vör samstarfi stjórnvalda og frjálsra félagasamtaka í Norðvestur-Rússlandi til þess að bæta kjör ungra afbrotamanna. Tildrög þessa umfangsmikla verkefnis er sá mikli fjöldi ungs fólks sem situr í rússneskum fangelsum og slæmur aðbúnaður ungra afbrotamanna.

Tíu ungmenni á aldrinum 15-17 ára fengu að afplána dóma utan fangelsis á meðan þau tóku þátt í tilraunaverkefninu.

- Markmiðið með verkefninu var að byggja upp þekkingu og getu stjórnvalda og félagasamtaka á umönnun ungs afbrotafólks til þess að bæta og tryggja réttindi þess í dómskerfinu, segir Kristine Vadskær hjá Hjálparstofnun dönsku kirkjunnar.

Með norrænni þekkingu, reynslu og aðstoð hefur verkefnið borið árangur hjá þeim ungmennum sem tóku þátt í því. Tveir fengu vinnu og átta hófu nám. Aðeins tveir af þeim leiddust út í glæpi á ný og sitja nú í fangelsi.

- Raunverulegar breytingar og aðgerðir hafa komið í veg fyrir glæpi og tryggt ungum afbrotamönnum í Norðvestur-Rússlandi ráttláta málsmeðferð í dómskerfinu segir Kristine Vadskær frá Hjálparstofnun kirkjunnar.

Vadskær telur að verkefnið stuðli að opnum skoðanaskiptum milli stjórnvalda og frjálsra félagasamtaka. Að auki hefur það stuðlað að auknu þverfaglegu samstarfi um hvernig megi hlúa að ungum brotamönnum.

-Enginn vafi leikur á því að verkefnið hefur átt þátt í að skapa betri umgjörð og skilning á þróuninni í umönnun ungra afbrotamanna og á réttindum ungs fólks, segir Vadskær.

Norræna ráðherranefndin setti árið 2006 á laggirnar áætlun fyrir frjáls félagasamtök með það að markmiði að efla samstarf þeirra á Norðurlöndum, í Eystrasaltsríkjunum, Póllandi, Hvíta-Rússlandi og Rússlandi. Síðan hafa meira en 40 verkefni fengið styrki að upphæð 18 milljónum norskra króna á sviði umhverfismála, umönnun barna og annarra jaðarhópa og lýðræðisuppbyggingar.

- Hjálparstofnun kirkjunnar hefur um árabil starfað með áætlun Norænu ráðherranefndarinnar fyrir frjáls félagssamtök, segir Kristine Vadkær.

Hún ítrekar að skilningur stjórnenda áætlunarinnar á þeim úrlausnarefnum sem geta komið upp við framkvæmd þessarar gerðar verkefna, þar sem þátttaka og samstarf stjórnvalda og frjálsra félagasamtaka er mikilvægt, hafi hjálpað mikið og gagnast við framkvæmdina.

Auglýst verður eftir umsóknum í áætlunina árið 2011.

Fredric Larsson
Sími +45 33 96 03 27
Tölvupóstur frla@norden.org