Jafnréttisráðherrarnir ræddu hvernig ólíkir geirar geta nýtt sér upplýsingar sem jafnréttisgeirinn hefur tekið saman um ólíkar athafnar kynja, s.s. neyslu matar,orkunotkun og hreyfingu til að gera baráttuna gegn loftslagsbreytingum skilvirkari. Í nóvember verður opnaður gagngrunnur með þessum upplýsingum.

Loftslagsbreytingar eru meginþema formennskuáætlunar Finna í Norrænu ráðherranefndinni. Norrænu jafnréttisráðherrarnir hafa unnið að málaflokknum síðan 2008. Loftslagsbreytingar eru ekki eingöngu vandamál þróunarríkjanna því afleiðingar þeirra má einnig merkja á Norðurlöndum. T.d. létust fleiri konur en karlar í hitabylgjum seinustu ára í Svíþjóð. Ástæðurnar eru margar og nauðsynlegt er að rannsaka betur tengsl kynferðis og loftslagsmála.

Konur og karlar á Norðurlöndum hafa einnig ólík áhrif á loftslagsbreytingarnar með atferli sínu. Samkvæmt rannsóknum hefur t.d. launamunur karla og kvenna áhrif á frístundastarf og þar með á loftslagið. Karlar nota einkabíla meira, en konur notfæra sér frekar almenningssamgöngur.

Á fundinum var einnig rætt um samþættingu jafnréttissjónarmiða á Norðurlöndum og önnur jafnréttismál sem efst eru á baugi, og viðburði á komandi formennskuári Norðmanna 2012.

Norrænu ráðherraefndinni um jafnréttismál bárust í dag fréttir af andláti Per Unckel, fyrrverandi framkvæmdastjóra ráðsins eftir stutt veikindi. Per Unckel hefur í ævistarfi sínu sýnt norræna samstöðu og samkennd. Við erum sterkara svæði á heimsvísu þökk sé áhuga hans og starfi. Við vottum fjölskyldu hans og ástvinum samúð okkar.

Silje Bergum Kinsten
Sími +45 33 96 02 51
Tölvupóstur siki@norden.org

Nánari upplýsingar:

Annamari Asikainen, forstöðumaður í heilbrigðis- og félagsmálaráðuneytinu, sími +358 50 512 5617, fornafn.eftirnafn@stm.fi Mia Mäkinen, verkefnisstjóri, stofnun um heilsu og velferð (Institutet för hälsa och välfärd) , sími +358 20 610 7261