Document Actions

Norrænu ríkin verða hið fyrsta að bregðast við vaxandi ónæmi við sýklalyfjum

Vaxandi ónæmi við sýklalyfjum um heim allan er eitt af þeim vandamálum sem falla undir hugtakið One Health, hugtak sem nær yfir að sjúkdómar í mönnum og dýrum eru nátengdir og ættu að meðhöndlast í samræmi við það. Norðurlandaráð fjallar nú um málið. Liður í þeirri umfjöllun er ráðstefna sem haldin var í Kaupmannahöfn þann 17. maí.

19/05 2011
Henrik Dam Kristensen
Ljósmyndari
Magnus Fröderberg/norden.org

Henrik Dam Kristensen, forseti Norðurlandaráðs, setti ráðstefnuna og sagði að nauðsynlegt að læknar og dýralæknar ynnu saman á mörgum sviðum til þess að vinna gegn sjúkdómum.

– Á Norðurlöndum er sterk hefð fyrir matvælaöryggi, vörnum gegn smitsjúkdómum og hóflegri notkun sýklalyfja. Nauðsynlegt er að miðla reynslu okkar á þessu sviði, þannig að við getum lært meira hvert af öðru, sagði hann enn fremur.

Samræming og markaðssetning á reynslu og þekkingu norrænu ríkjanna getur einnig stuðlað að aukinni samkeppnishæfni þeirra og beint kastljósi annarra þjóða að þessu mikilvæga málefni.

Hugtakið One Health sem nær yfir að heilbrigði og sjúkdómar í mönnum og dýrum séu nátengdir, varð til vegna sivaxandi vandamála m.a. vegna smits lyfjaþolinna sýkla milli dýra og manna, en einnig vegna smits annarra sjúkdóma eins og berkla, salmonellu, hundaæðis og fuglaflensu.

Henrik Dam Kristensen, forseti Norðurlandaráðs, segir um One Health.

– Sem framsýnir víkingar ættum við Norðurlandabúar að flytja út reynslu okkar á sviði matvælaöryggis og stefnu í notkun sýklalyfja.

Sem framsýnir víkingar ættum við Norðurlandabúar að flytja út reynslu okkar á sviði matvælaöryggis og stefnu í notkun sýklalyfja sagði Jørgen Schlundt, aðstoðar framkvæmdastjóri matvælastofnunar DTU.

ESB hefur bannað vaxtaraukandi sýklalyf í dýrarækt og byggir bannið á reynslu norrænu ríkjanna og vonandi mun það bann taka gildi um allan heim.

Andreas Haddini, frá ReAct -  Action on Antibiotic Resistance, fjallaði einnig um hvernig sýklalyf missa hratt virkni sína um þessar mundir, m.a. vegna notkunar sýklalyfja í dýrum, en einnig vegna ofnotkunar meðal manna, en í mörgum ríkjum er hægt að kaupa sýklalyf án lyfseðils. Jafnframt var talað um að engir hvatar væru fyrir lyfjaiðnaðinn að þróa ný sýklalyf.

- Ekki er hægt að hætta notkuni, en takast á við vandamálið með því að halda óþarfri notkun sýklakyfja í lágmarki. Lausnin felst í nýskapandi samstarfi stjórnvalda, almennings og iðnaðarins, sagði Heddini að lokum.

Norðurlandaráð undirbýr fulltrúatillögu þar sem lagt verður til að gerð verði framkvæmdaáætlun um "One Health", þar sem m.a. komi fram tilmæli stjórnvalda, leiðir til að samræma þekkingu og reynslu og áætlun um hvernig Norðurlönd geta stuðlað að því að málefnið og norrænar lausnir komist á dagskrá alþjóðasamfélagsins. Verið er að undirbúa fulltrúatillöguna og verður fjallað um hana á Norðurlandaráðsþingi í Kaupmannahöfn dagana 1.-3. nóvember.

Hægt er að horfa á ráðstefnuna í heild sinni hér.

Tengiliðir

Jenny Pentler
Sími +45 33 96 0445
Tölvupóstur jepe@norden.org

Tengt efni
  • Ráðstefna: ONE Health - heilsuefling hjá mönnum og dýrum (Event)

    Hugtakið ”One Health” er byggt á aukinni viðurkenningu á því að sjúkdómar og heilbrigði manna og dýra, tengist órjúfanlegum böndum. Það verður stöðugt ljósara að þörf er á samstarfi lækna og dýralækna með það að markmiði að efla forvarnir. Á Norðurlöndum hafa alltaf verið viðhafðar góðar hefðir á sviði öryggi matvæla, forvarnir gegn smitsjúkdómum hafa verið miklar og notkun sýklalyfja hefur verið takmörkuð. Samhæfa þarf norræna reynslu á sviðinu, þannig að við getum lært enn frekar hvert af öðru. Samhæfing og ímyndarþróun norrænnar reynslu og þekkingar gæti stuðlað að aukinni samkeppnishæfni Norðurlanda og beint sjónum að þessu mikilvæga málefni á alþjóðavettvangi.
  • Þingmannatillaga um One Health – fjölónæmi hjá mönnum og dýrum (Atriði á dagskrá)