Norskar reglur valda vandræðum á Norðurlöndum
Undanfarið hafa fjölmargir Svíar lent í vandræðum við norræn stjórnvöld. Kent Olsson fulltrúi í forsætisnefnd Norðurlandaráðs hefur því sent fyrirspurn til Rigmor Aasrud samstarfsráðherra Noregs. Hann spyr hver tilgangurinn sé með svo strangri löggjöf gagnvart norrænum ríkisborgurum.
„Bæði þessi tilvik eru dæmi um algjörlega óásættanleg mál sem ganga þvert á það starf og þau gildi sem Norðurlandaráð og Norræna ráðherranefndin standa fyrir“, segir Kent Olsson.
- Ljósmyndari
- Johannes Jansson/norden.org
„Markmið norræns samstarfs er að auðvelda frjálsa för milli norrænu ríkjanna. Við viljum að það verði einfaldara að fara yfir landamæri og að hreyfanleiki á Norðurlöndum aukist. Því miður er það ekki raunin“, segir sænski þingmaðurinn Kent Olsson.
Í einu tilfelli gerðu tollayfirvöld í Drammen í Noregi bifreið sænsks ríkisborgara upptæka. Eigandinn þurfti að greiða norskum tollayfirvöldum rúmlega 400.000 norskar krónur til þess að endurheimta bílinn.
Í öðru tilviki lagði sænskur ríkisborgari seglskútu í Mo í Rana og hugðist halda siglingu sinni áfram sumarið eftir. Á sama tíma gengu í gildi norsk lög sem banna erlendum bátum að liggja í norskri höfn í meira en sex vikur í senn. Af þessum völdum skuldaði sænski seglskútueigandinn allt í einu norska ríkinu 250.000 norskar krónur.
„Bæði þessi tilvik eru dæmi um algjörlega óásættanleg mál sem ganga þvert á það starf og þau gildi sem Norðurlandaráð og Norræna ráðherranefndin standa fyrir. Ég vil því spyrja hvort norski samstarfsráðherrann hefur íhugað hvaða afleiðingar þetta getur haft fyrir frjálsa för milli Norðurlanda“, segir Olsson.
Kent Olsson er fulltrúi í flokkahópi hægrimanna í Norðurlandaráði.
Tengiliðir
Silje Bergum Kinsten
Sími
+45 33 96 02 51
Tölvupóstur
siki@norden.org
