Document Actions

Nýbreytni í tungumálanámi fær verðlaun Norrænu ráðherranefndarinnar

Samband Norrænu félagana og kvikmyndafyrirtækið Snöball Film hljóta verðlaun Norrænu ráðherranefndarinnar fyrir góð verkfæri í tungumálanámi. Bæði verðlaunaverkefnin eru nýskapandi vefsetur sem miða að því að styrkja norrænan tungumálaskilning barna og ungmenna. Verðlaunin nema alls 500.000 dönskum krónum, eða jafnvirði rúmlega 10,5 milljónum íslenskra króna.

11/10 2011
Computerspil
Ljósmyndari
Sigurður Ólafsson/norden.org

Samband Norrænu félaganna hlýtur verðlaun fyrir stafrænan kennsluvettvang, Norðurlönd í skólanum, sem ætlaður er fyrir kennara og nemendur. Í rökstuðningi dómnefndar segir að verkefnið sé metnaðarfullt og framsækið og að veflausnin sé vel smíðuð kennslufræðilega sem  verkfæri til  tungumálanáms.  Vefurinn  sameini  efni úr ólíkum  greinum  og skapandi þáttum og á honum séu nýir miðlar samþættir á þann hátt að þeir höfði til barna og unglinga.

Hitt verðlaunaverkefnið, vefsíða Snöball Film, Nordiskesprak.net, byggir á  stuttmyndum og virkum textum sem unnir eru fyrir og af ungmennum um öll Norðurlönd. Dómnefnd telur sýnt að vefsíðan muni stuðla sérstaklega að því að efla skilning ungs fólks á talaðri dönsku, norsku og sænsku, sem er mikilvægt verkefni í ljósi umfangsmikillar norrænnar  tungumálakönnunar frá árinu  2005 sem leiddi í ljós slælegan skilning norrænna ungmenna á tungumálum frændþjóðanna.

Tilkynnt var um verðlaunin á stóru norrænu tungumálaráðstefnunni í Kaupmannahöfn 11. október. Með ráðstefnunni lauk tungumálaherferð sem verið hefur í gangi frá árinu 2010, en markmið hennar var að bæta skilning barna og ungmenna á norrænu tungumálunum. Verðlaunin verða afhent á Norðurlandaráðsþinginu í Kaupmannahöfn í nóvember.

 

Tengiliðir

Kirsten Preisler
Sími +45 33960378
Tölvupóstur kp@norden.org

Heidi Orava
Sími +45 33 96 04 60
Tölvupóstur heor@norden.org

Tengt efni
  • Þingið 2011

    Norðurlandaráðsþingið 2011 verður haldið í Kaupmannahöfn dagana 1.-3. nóvember 2011.
  • Norrænt tungumálaátak (Verkefni)

    Ungt fólk á Norðurlöndum á sífellt erfiðara með að skilja tungumál hvers annars, þrátt fyrir aukna umferð yfir landamæri. Þetta er úrlausnarefni sem Norræna ráðherranefndin vill finna lausn á. Það verður gert m.a. með því að ýta úr vör tungumálaátaki, þar sem áhersla verður lögð á að auka skilning norrænna barna á dönsku, norsku og sænsku.
  • Samband Norrænu félagana(FNF) (Samtök)

    Samband Norrænu félaganna (FNF) samræmir og samhæfir samstarf Norrænu félaganna á Norðurlöndunum 5 og í Færeyjum, á Grænlandi og Álandseyjum.
  • Nordens språk - med rötter och fötter (Útgefið rit)

    Har alla folk i Norden en gång i tiden kunnat förstå varandra utan vidare? Hur och när utvecklades det urnordiska språket till de moderna språken isländska, färöiska, norska, svenska och danska? Och varför räknas finska, samiska och grönländska inte till de nordiska språken fast de är språk i Norden? Svaren kan du få i denna bok.