Rússar áhugasamir um Norrænu blaðamannamiðstöðina
13 rússneskir kennarar í blaðamennsku eru á ferð um Norðurlöndin þessa dagana í þeim tilgangi að kynna sér blaðamannaháskóla og menntun norrænna kollega sinna. Ferðin er styrkt af mannaskiptaáætlun Norrænu ráðherranefndarinnar.
Á miðvikudag heimsóttu 13 kennarar í blaðamennsku og fjölmiðlun Norrænu blaðamannamiðstöðina í Árósum. Þar skoðuðu þeir aðstæður og skiptust á skoðunum við norræn starfssystkini.
Heimsókninni í Blaðamanna- og fjölmiðlaskólann í Árósum lauk með heimsókn til Update og Norræna blaðamannaskólans.
Námsferðin er styrkt af mannaskiptaáætlun Norrænu ráðherranefndarinnar, sem styrkir mannaskipti milli Norðurlandanna, Eystrasaltsríkjanna og Norðvestur-Rússlands.
Heimild: NCJ
