Andreas Carlgren umhverfisráðherra Svíþjóðar afhenti Berndes verðlaunin á orkuþingi í Stokkhólmi þriðjudaginn 16. mars.

Berndes rannsakar orkukerfi, jarðnotkun og tengsl þessara og annarra þátta. Hann hefur sérhæft sig í rannsóknum á því hvernig nota má lífefnamassa þannig að loftslagsáhrif af orkuframleiðslu verði sem minnst, og einnig áhrif mikillar notkunar á lífefnamassa við orkuframleiðslu.

Berndes, sem er þriðji handhafi verðlaunanna, var staddur á Nýja Sjálandi þegar hann fékk fréttirnar.

-Ég var á hótelherbergi mínu og las IPCC-skýrslu og undirbjó mig undir að flytja fyrirlestur. Símtalið hleypti í mig miklum krafti - ég var bæði hissa og glaður, segir Berndes, en hann starfar við orku- og umhverfisstofnun Chalmers tækniháskólans.

Í rökstuðningi sínum leggur dómnefndin áherslu á að Berndes hafi verið iðinn við að markaðssetja norræna líforkutækni á alþjóðavettvangi

-Berndes tekur virkan þátt í alþjóðlegum rannsóknum i, sem vísindamaður og ráðgjafi. Hann hefur unnið að því að sýna hvernig norræna líkanið með áherslu á stóraukna notkun á líforku getur fallið að metnaðarfullum umhverfisverndar- og þjóðhagslegum markmiðum, segir dómnefndin.

Berndes er meðal annars í forsvari fyrir alþjóðlegu tengslaneti sérfræðinga um framleiðslu lífefnaeldsneytis innan IEA Bioenergy. Tengslanetið, sem nær einnig til norrænu ríkjanna, mun á næstu þremur árum vinna að ýmsum úrlausnarefnum við þróun líforku.

Norrænu matvæla-, sjávarútvegs-, landbúnaðar-, og skógræktarraáðherrarnir samþykktu árið 2006 að setja á stofn norræn líforkuverðlaun. Norðmaðurinn Erik Eid Hohle hlaut þau árið 2007 og Finninn Dan Asplund árið 2008.

Mads Randbøll Wolff
Sími +45 33 96 02 56
Tölvupóstur mrw@norden.org

Göran Berndes,
Docent,
Chalmers Tekniska Högskola
+46 31 772 31 48
goran.berndes@chalmers.se