Sífellt minni hluti neyðaraðstoðar varið til matarkaupa
Norrænu landbúnaðarráðherrarnir hafa vaxandi áhyggjur af því að stöðugt er minna af alþjóðlegri neyðaraðstoð varið til að koma í í veg fyrir matvælaskort. Samsvarandi þróun hefur, samkvæmt ráðherrunum, verið í útlánavenjum alþjóðlegra lánastofnana. Á sama tíma hafa fjárfestingar einkaaðila í landbúnaði þróunarlandanna verið mjög litlar, skrifa landbúnaðarráðherrarnir í sameiginlegri grein sem birtist á föstudag.
Sumarfundur norrænu landbúnaðarráðherranna á Íslandi 2009
- Í mörg ár hefur því miður landbúnaður og matvælaframleiðsla fengið stöðugt minna vægi í þróunaraðstoð, skrifa ráðherrarnir í greininni sem birt er í tilefni af baráttudagi Sameinuðu þjóðanna gegn hungri, 16.október.
Ráðherrarnir leggja áherslu á mikilvægi svæðisbundins samstarfs í baráttunni gegn hungri og benda á það árangusríka samstarf sem unnið hefur verið á Norðurlöndum undanfarna áratugi.
- Við stöndum andspænis vandamáli sem ekki er hægt að leysa nema með samstarfi ríkja og svæðasamtaka. . Í 30 ár hafa Norðurlönd byggt upp æ sterkara svæðasamstarf á vettvangi Norrænu ráðherranefndarinnar og unnið að varðveislu og sjálfbærri nýtingu erfðaauðlinda, skrifa ráðherrarnir.
Samstarfið hefur meðal annars leitt til stofnunar NordGen, norrænu erfðaauðlindastofnunarinnar og til samstarfs við erfðaauðlindabanka í Afríku og Asíu. NordGen ber einnig ábyrgð á rekstri birgðageymslu fyrir plöntufræ á Svalbarða.
Grein ráðherranna birtist dagblöðum meðal annars í Finnlandi, Noregi, Svíþjóð og á Íslandi.
Greinin í finnska dagblaðinu Turun Sanomat
Greinin í sænska dagblaðinu Västerbottens-Kuriren
