Lindberg, ásamt öðrum fulltrúum í forsætisnefnd Norðurlandaráðs æskunnar, funduðu nýverið með Karen Ellemann, samstarfsráðherra Danmerkur, og ræddu hvað ráðherranefndin gæti gert og stefndi að til að  hvetja komandi kynslóðir til virkrar  þátttöku í norrænu samstarfi. Danir fara  með formennsku í Norrænu ráðherranefndinni á þessu ári.

„Auka má áhuga á Norðurlandasamstarfinu með því að virkja ungt fólk til þátttöku og veita því persónulega reynslu af því.  Þess vegna er mikilvægt, sérstaklega fyrir skólabekki, að taka þátt í þeim áætlunum um nemendaskipti sem í boði eru“, segir Minna Lindberg frá Finnlandi. Samkvæmt Norðurlandaráði æskunnar er auðveldast að ná til ungs fólks  í gegnum menntakerfið og þess vegna ættu grunnskólar og framhaldsskólar (menntaskólar og starfsmenntaskólar) að vera í virku sambandi við jafnaldra annars staðar á Norðurlöndum og á sjálfstjórnarsvæðunum.

„Ef komandi kynslóðir eiga að hafa áhuga á norrænu samstarfi til frambúðar verðum við að gera átak í því að bjóða nemendum að taka þátt í norrænu samstarfi“, sagði Lindberg að loknum fundi með Karen Ellemann, sem haldinn var á degi Norðurlanda 23. mars s.l.

Norðurlandaráð æskunnar samþykkti yfirlýsingu um sama málefni á þingi sínu í Stokkhólmi í október 2009.

Minna Lindberg
Tölvupóstur minna.lindberg@su.fi