Þetta er ein af meginniðurstöðum málþings sem Norræna ráðherranefndin og Umhverfisstofnun Sameinuðu þjóðanna stóðu fyrir á meðan á 18. þingi Sameinuðu þjóðanna um sjálfbæra þróun stóð, dagana 3.-14. maí

Elisabet Falemo, ráðuneytisstjóri í sænska umhverfisráðuneytinu, setti málþingið og ítrekaði að Norðurlöndin styddu alþjóðlegar áætlanir um sjálfbæra þróun, framleiðslu og neyslumynstur.

Falemo lagði einnig áherslu á mikilvægi umhverfismerkja eins og norræna svansmerkisins og ESB-blómsins, sem byggja á margvíslegum skilyrðum, líftímahugsun og viðurkenningu þriðja aðila. Þessi markaðstól sem fyrirtækjum er frjálst að sækja um eru áhrifarík við að bæta nýtingu hráefnis í vöruframleiðslu og gera jafnframt neytendum kleift að taka upplýsta ákvörðun um vörukaup.

-Mikilvægt er að alþjóðasamfélagið miðli af reynslu sinni, þannig að lönd og landsvæði geti lært hvert af öðru og stuðlað að aukinni þekkingu. Samvinna yfir landamæri er lykill að árangri, sagði Falemo.

UNEP viðurkennir mikilvægi umhverfismerkinga, einnig fyrir þróunarríkin. UNEP veitir fyrirtækjum og ríkisstjórnum í þróunarríkjum tæknilega aðstoð og ráðgjöf við að byggja upp reynslu svo þau getið gripið þau tækifæri sem felast í umhverfismerkingum.

Arab Hoballah, yfirmaður málefna sem snúa að sjálfbærri neyslu og framleiðslu hjá UNEP, ítrekaði þá kosti sem felast í umhverfismerkingum til að vekja athygli á gagnkvæmum stuðningi verslunar, umhverfis og framþróunar.

Samkvæmt Hoballah getur aukin notkun umhverfismerkinga í þróunarríkjunum dregið úr umhverfisáhrifum í framleiðslu og bætt aðgengi að markaði fyrir vistvænar vörur, og þar með leitt til meiri efnahagslegrar samþættingu á tilgreindum svæðum og aukið samkeppnishæfni á alþjóðamarkaði.

Greinin öll

Norræn heimasíða CSD-18