Verðlaun Norðurlandaráðs á dagskrá í skólum
„Það er mikilvægt að styrkja tengsl milli Norðurlandanna, einkum unga fólksins, með aukinni meðvitund um menningu hinna landanna. Þetta mun stuðla að aukinni vináttu, skilningi og áhuga á umhverfi, tungumáli og menningu hvers lands og nánari tengslum milli landanna,“ sagði Valgerður Gunnarsdóttir, fulltrúi í menningar- og menntamálanefnd Norðurlandaráðs, þegar hún lagði fram tillöguna.
Menningar- og menntamálanefndin vill efla norrænt samstarf á sviði skóla og menningarlífs. Því leggur nefndin til að verkefnið „Lyftistöng fyrir norrænar barna- og unglingabókmenntir“ verði þróað áfram svo að nemendurnir öðlist einnig aukna þekkingu á norrænum kvikmyndum, tónlist, bókmenntum ætluðum fullorðnum og umhverfisverkefnum, og jafnframt aukinn skilning á norrænum tungumálum.
Það er mikilvægt að styrkja tengsl milli Norðurlandanna, einkum unga fólksins, með aukinni meðvitund um menningu hinna landanna. Þetta mun stuðla að aukinni vináttu, skilningi og áhuga á umhverfi, tungumáli og menningu hvers lands og nánari tengslum milli landanna.
Stjórnmálamennirnir vilja að á hverju ári verði tekin saman fagleg og menningarleg dagskrá sem boðin verði börnum og unglingum í grunnskólum og framhaldsskólum á Norðurlöndum, og að hún taki til allra fimm verðlauna Norðurlandaráðs en ekki aðeins barna- og unglingabókmenntaverðlaunanna eins og nú er. Áætlunin yrði unnin í samstarfi norrænu menningar- og menntamálaráðherranna.
Tillagan var samþykkt á þingi Norðurlandaráðs í Reykjavík og nú er boltinn hjá ríkisstjórnum Norðurlandanna.
