Aslak Bonde

Artikler af Aslak Bonde

Jafnaðarmenn vilja stjórna: Aslak Bonde; 19/08 2010; Í 30 ár hefur því verið spáð með jöfnu millibili að blómaskeiði Verkamannaflokksins sé lokið en aldrei hefur spádómurinn ræst. Þrátt fyrir að nú í sumar hafi litið út fyrir að Hægriflokkurinn tæki stöðu Verkamannaflokksins sem stærsti flokkur landsins samkvæmt skoðanakönnunum þá telur varla nokkur maður að um sé að ræða varanlegt ástand. Verkamannaflokkurinn er ennþá eini flokkurinn sem er treyst til að stýra landinu einn.
Frá hægralýðskrumi til þjóðernislýðskrums: Aslak Bonde; 03/06 2010; Skoðanakannanir benda til hægribylgju í Noregi, en það er hinn tiltölulega hófsami Hægriflokkur sem hefur styrkt sig. Róttæki hægriflokkurinn Framfaraflokkurinn berst við að halda fylgi sínu meðal allra þeirra sem kusu hann í fyrra en aldrei hafa fleiri stutt hann en þá. Það er hugsanlega vegna þess að Verkamannnaflokknum hefur tekist að koma strangari stefnu í málefnum flóttamanna í gegnum rauð-grænu ríkisstjórnina og af því að sífellt fleiri á vinstrivæng stjórnmálanna mæla fyrir minna umburðalyndri stefnu í málefnum innflytjenda.
Öryggið uppmálað eins og bankinn: Aslak Bonde; 14/04 2010; Eftir að hafa verið nær dauða en lífi í nokkrar vikur haustið 2008 hefur gengið ótrúlega vel hjá norskum bönkum undanfarið. Tap á útlánum er aðeins örlítið meira en við eigum að venjast í venjulegu árferði, hagnaður er mikill og tilraun stjórnvalda til að setja reglur um bónusa og markaðssetningu hafa ekki verið mjög íþyngjandi. En tekjumöguleikar næstu ára eru hugsanlega minni en áður – atvinnulífið veigrar sér við að taka lán og á húsnæðismarkaði er mikil óvissa um framtíðarhorfur.
Kína er á allra vörum: Aslak Bonde; 04/02 2010; Kaupmannahafnarfundurinn sýndi að minnsta kosti fram á einn hlut: Það er ekkert sem Noregur getur gert einn og sér sem hefur mikil áhrif á loftslagið. ESB er ekki stór áhrifavaldur heldur. Nú er það þróunin í Kína, Indlandi, Brasilíu og Suður-Afríku sem skiptir máli – auk þess sem enn hafa margir trú á Barack Obama.
Stórveldi þegar að mannúðarmálum kemur?: Aslak Bonde; 17/12 2009; Noregur tekur þátt í friðarumleitunum um allan heim, veitir rausnanlegan stuðning við lýðræðis- og mannréttindaverkefni og lætur meira fé af hendi rakna til þróunaraðstoðar miðað við höfðatölu en nokkurt annað land. Sagt er að við séum mannúðarstórveldi. Eða væri kannski réttara að segja að hið opinbera hafi tekið yfir starf sem mörg norsku kristniboðsfélögin sinntu á síðustu öld? Notaðir eru olíupeningar til að flytja út manngæsku eins og góðir Norðmenn skilgreina hana.
Ævarandi fátækt: Aslak Bonde; 26/11 2009; Rauð-græna ríkisstjórnin lofaði árið 2005 að afnema fátækt. Í haust var loforðið endurskoðað – nú ætlar ríkisstjórnin „bara" að berjast gegn fátæktinni. Og það getur meira að segja orðið þrautin þyngri. Hefjist efnahagsleg uppsveifla að nýju er ástæða til að ætla að fleiri falli aftur undir fátæktarmörk Evrópusambandsins – þ.e. ef ríkisstjórninni tekst ekki að taka sig á við að fá langtum fleira fólk út á vinnumarkaðinn.
Aukin velferð og lægri skattar – er það raunhæft?: Aslak Bonde; 21/10 2009; Kosningabaráttan sem fór fram í haust sýndi enn og aftur fram á þær innbyggðu andstæður sem eru í stjórnmálum. Flokkarnir keppast við að lofa sífellt aukinni og betri velferðarþjónustu en keppast við það á sama tíma að lofa sem mestri lækkun skatta, eða að minnsta kosti að hækka þá ekki. Olíuauðurinn gerir norskum stjórnmálamönnum það mögulegt upp að vissu marki að samræma mótsagnirnar en til langs tíma komast þeir ekki hjá því að velja á milli lægri skatta og aukinnar velferðar.
Tapte miljøpartiene valget?: Aslak Bonde; 24/09 2009; Høstens stortingsvalg forbauser ekspertene. Nær historie og erfaringene fra andre land skulle tilsi at regjeringspartiene tapte oppslutning, men de fikk fornyet tillit. Arbeiderpartiet kan være på vei mot gamle høyder.
Umræður frekar en vopnaglamur: Aslak Bonde; 27/08 2009; Það jaðrar við að norskir stjórnmálamenn ræði meira um norðurskautssvæðið en Evrópusambandið (ESB). Það er einkum vegna þess að tengsl Noregs við ESB eru pólitískt hitamál en jafnframt vegna þess að allir stjórnmálaflokkar skilgreina nú norðursvæðin sem ,,þau svæði Noregs sem mikilvægast er að veðja á“ í framtíðinni.
Mun ákvörðun Íslands toga í Noreg?: Aslak Bonde; 25/06 2009; Það eru alltaf einhver önnur lönd sem fá Norðmenn til að ræða aðild að Evrópusambandinu (ESB). Á sjöunda áratug síðustu aldar voru það Bretar, í byrjun tíunda áratugarins voru það Svíar. Ekki er hægt að útiloka að það verði Íslendingar sem komi af stað þriðju ESB-umræðunni í Noregi. En það er langur vegur milli þess að hefja umræðuna og til þess að Norðmenn samþykki ESB-aðild í þjóðaratkvæðagreiðslu. Fátt bendir til þess að Noregur muni fylgja Íslandi inn í ESB.
Kreppan gæti leitt til betri umönnunar: Aslak Bonde; 28/05 2009; Samkvæmt ýktustu spám verður fjöldi þeirra sem stunda atvinnu hjá sveitarfélögunum að tvöfaldast fyrir árið 2050 eigi íbúar landsins, þar sem meðalaldur verður sífellt hærri, að njóta góðrar umönnunar. Þrátt fyrir að vandinn sem tengist samsetningu vinnuaflsins hafi verið efst á dagskrá stjórnmálamanna í fjölda ára þá hefur ekki verið gripið nema einu sinni til gagngerra aðgerða til að mæta honum. Og kannski verða það ekki stjórnmálamenn sem leysa munu vandann heldur markaðurinn – nú þegar efnahagskreppan hefur leitt til þess að það er orðið álitlegra að vinna í opinbera geiranum.
Þröng skilgreining á menningarpólitík: Aslak Bonde; 30/04 2009; Ríkisstjórnin gortar sig af því að hafa tryggt hærra fjárframlag til menningarstarfsemi en nokkur ríkisstjórn hefur gert. Takmarkið um að láta 1% verðmætasköpunar landsins renna til menningar fyrir árið 2014 er innan seilingar. En ríkisstjórnin og Stórþingið hafa ekki reynt að víkka vitund stjórnmálamanna og samfélagsins um það hvað teljist til menningarpólitíkur. Það er að mestu látið öðrum eftir að rökræða um málfrelsi og fjölmenningu. Það eru engin menningarátök í Noregi.
NATÓ er og verður burðarvirkið: Aslak Bonde; 25/03 2009; Það skiptir engu máli þó að það sé faðir norska forsætisráðherrans sem hefur viðrað hugmyndina: Ríkisstjórnin mun ekki leyfa norræna varnarsamstarfinu að þróast svo mikið að úr verði norrænt varnarbandalag. Það kæmi aðeins til ef NATÓ og Bandaríkin færu skýlaust fram á það við Noreg að þróa svæðisbundinn varnarsáttmála sem yrði viðbót við varnartrygginguna sem felst í NATÓ-samstarfinu.
Trúin á hnattvæðinguna styrkist – til skamms tíma: Aslak Bonde; 24/02 2009; Í norskri umræðu um efnahagskreppuna – og leiðina út úr henni – halda allir því fram að brýn þörf sé á yfirþjóðlegri stjórn og eftirliti með kapítalismanum. Hnattvæðingarsjónarmiðið hefur alltaf verið ráðandi varðandi lofslagsmál og þegar við verðum vitni að því að yfirvöld varnarmála opna fyrir möguleikann á því að í framtíðinni munum við ekki hafa hreinar norskar landvarnir þá er vel hægt að halda því fram að hnattvæðingarhugsunin standi sterkar um þessar mundir en nokkurn tíma áður í Noregi. En viðbrögð við þessu sjónarmiði geta komið skyndilega.
Noregur þrífst í kreppunni: Aslak Bonde; 18/12 2008; Enginn ábyrgur stjórnmálamaður er ánægður með efnahagskreppuna, en Jens Stoltenberg tilheyrir þó þeim hópi sem stendur einna minnst ógn henni, hvort heldur persónulega eða vegna landsins. Þó að olíuverðið hafi fallið um meira en helming, olíusjóður landsins minnkað og stöðugt fleiri missi vinnuna lítur út fyrir að Noregi takist að komast nokkuð óskaddað frá kreppunni. Og flokkur forsætisráðherrans á möguleika á að vinna kosningarnar næsta haust.
Kjör Obama stuðlaði að hugarfarsbreytingu: Aslak Bonde; 20/11 2008; Síðustu vikurnar í aðdraganda forsetakosninganna var Bandaríkjunum í stórum dráttum lýst sem ríki á leið til glötunar. Meirihluti Norðmanna hefur í sífellt auknum mæli misst trú á bandarískum stjórnmálum og stefnu og náði sú þróun hámarki með efnahagskreppunni. En síðan, nánast eins og hendi væri veifað, snerist blaðið við. Svo oft var vitnað til boðskapar Baracks Obamas um von og breytingar að það varð efniviður fyrir útvarps- og sjónvarpsgrínista
Þörf fyrir sífellt fleiri hendur þrátt fyrir metatvinnuþátttöku: Aslak Bonde; 15/10 2008; Efnahagsleg uppsveifla síðustu ára hefur leitt til metatvinnuþátttöku fólks í Noregi. Á fyrri hluta ársins stunduðu þrír af hverjum fjórum Norðmanna á vinnufærum aldri launaða vinnu. Á næstu áratugum munu enn fleiri okkar vinna þar sem við verðum að geta veitt sístækkandi hópi aldraðra góða umönnun – það er ef alþjóðavæðingin og nýir þjóðflutningar gera ekki Noreg að enn fjölmennara ríki en það er í dag. Tilhneigingin er til staðar: Í fyrra fjölgaði íbúum Noregs sem aldrei fyrr.
Á tánum gagnvart Rússlandi: Aslak Bonde; 18/09 2008; Fleiri rússneskar orrustuþotur flugu fyrir ströndum Noregs í fyrra en samtals í 16 ár þar á undan. Rússar héldu síðan í ár flotaæfingu svo nálægt olíuborpöllunum að norsk yfirvöld sáu sig nauðbeygð til að mótmæla. Það er fremur leiðinlegt að margir Norðmenn veltu því fyrir sér síðsumars hvort kalda stríðið væri skollið á að nýju þegar Rússland beitti hernaðarmætti sínum í Kákasus.
Enn er kynbundinn launamunur: Aslak Bonde; 29/08 2008; Fjórir af tíu stjórnarmönnum norskra stórfyrirtækja eru konur og Noregur er brautryðjendaland í heiminum. Í daglegu tali er rætt um jafnréttisferðaþjónustu, við tökum á móti sérfræðingum, stjórnmálamönnum og blaðamönnum frá öllum heiminum til að kenna þeim hvernig hægt er slá öll met í atvinnuþátttöku kvenna, vel að merkja án þess að fæðingum fækki. Það sem við hins vegar sýnum ekki jafnréttistúristunum er að kynbundinn launamunur hefur verið óbreyttur í 25 ár
Erfitt að gera hugmynd að veruleika: Aslak Bonde; 12/06 2008; Það er kominn tími til framkvæmda í loftslagsmálum, og þá reynir á almenning, stjórnmálamenn og kenningar. Miklar verðhækkanir sem orðið hafa á eldsneyti á síðust mánuðum hafa leitt í ljós að sömu aðilar og hvöttu stjórnmálamenn til að vera umhverfisvænni í fyrra hafa nú mestar áhyggjur af eigin buddu. Jafnframt eru nú uppi efasemdir um að allar tækni- og markaðslausnirnar sem áttu að gera okkur kleift að bjarga loftslaginu án þess að breyta um lífsstíl.

Next 18 items 1 | 2

Sections

Document Actions

Aslak Bonde

Artikler af Aslak Bonde

Á döfinni

Um samstarfið

Samstarfssvið

Um Norðurlönd