Alþjóðavæðing
Finnland
Asía orðin nágranni Finnlands
Í Finnlandi hafa margar verksmiðjur verði lagðar niður eftir að framleiðslan hefur verið flutt til Kína eða einhvers annars lands þar sem launin eru lægri. Það má til sanns vegar færa að hnattvæðingin hefur haft í för með sér afgerandi breytingar á Finnlandi en nú telja menn breytingarnar frekar til tækifæra en ógnana.
Svíþjóð
Landamærin opnuð vegna skorts á starfskröftum
Róttæk stefnubreyting er á næsta leyti í innflytjendamálum í Svíþjóð. Innan skamms mun ríkisstjórnin leggja fram frumvarp, sem felur í sér að landamærin verða opnuð fyrir fólki frá löndum utan Evrópu sem vill koma til Svíþjóðar og vinna. Hingað til hefur umsókn um pólitískt hæli verið lykill útlendinga að því að fá landvistarleyfi í Svíþjóð. Meginástæða þess að stefnunni er breytt er skortur á starfskröftum og aukið hlutfall þjóðarinnar af eldra fólki. En Tobias Billström ráðherra innflytjendamála segir jafnframt, að hann vilji af hugmyndafræðilegum ástæðum auka möguleika útlendinga á því að koma til Svíþjóðar.
Noregur
Noregur sigrar og mun áfram sigra
Það koma ekki mörg lönd betur út en Noregur í alþjóðavæðingunni sem nú ríður yfir heiminn. Uppbygging atvinnulífsins, vinnumarkaðurinn og tiltölulega opinn heimamarkaður gera það að verkum að við högnumst í stórum dráttum bara af sífellt vaxandi alþjóðaviðskiptum og af auknum straumi vinnuþega frá nýju Evrópusambandsríkjunum. Þrátt fyrir það standa andstæðingar efnahagslegrar alþjóðavæðingar sterkar í Noregi en í flestum öðrum löndum – staða þeirra er sterk í ríkisstjórninni.
Danmörk
Sigurþjóð vegur salt
Danmörk nýtur álits í Evrópu ásamt hinum Norðurlöndunum. OECD og World Economic Forum leggja áherslu á heilbrigðan efnahag landsins, að atvinnuleysi sé lágmarki og að atvinnumarkaðurinn sé þróttmikill. Alþjóðlegar sendinefndir streyma til landsins til að kynna sér sögu velgengninnar – en hún vegur salt. Góðir tímar freista stjórnmálamannanna til að „taka úr sjóðnum“. Það getur skaðað þá aðferðafræði sem Danmörk beitir í alþjóðavæðingunni.
Ísland
Íslenzkir peningar leggja land undir fót
Íslenzkt efnahagslíf er í sívaxandi mæli hluti af hinu hnattræna efnahagskerfi. Út af fyrir sig má segja að Ísland hafi alltaf verið háð sveiflum á alþjóðamörkuðum vegna þess að landsmenn hafa lengi stundað mikla utanríkisverzlun. Hagkerfið var annars vegar háð útflutningi á fiski og fáeinum öðrum vörum og hins vegar hafa Íslendingar þurft að flytja inn stóran hluta af neyzluvörum. Breytingin, sem orðið hefur á síðari árum, er að mörg íslenzk fyrirtæki stunda ekki einvörðungu útflutning, heldur eru orðin alþjóðleg í eðli sínu, með starfsemi í mörgum löndum eða heimsálfum.
