Loftlagsbreytingar
Finnland
Finnska þjóðin krefst aðgerða vegna loftlagsbreytinga
Andrúmsloftið fyrir þingkosningarnar í Finnlandi í mars er óvenjulega þrúgað. Í þvinguðum viðræðum milli flokkanna er reynt að draga fram skoðanamun án þess að hleypa þeim upp á móti hver öðrum. Á meðal þeirra mála sem hlotið hafa sérstaka athygli eru loftlagsbreytingarnar, en jafnvel hvað þær varðar, er varla hægt að merkja neinn ágreining á milli flokkanna.
Svíþjóð
Loftlagsvandinn sameinar Svía
Enginn ræddi um loftslagsbreytingar og umhverfismál í kosningabaráttunni í Svíþjóð í fyrra. En nokkrum vikum eftir kosningar var ekki um annað rætt. Og nýir valdhafar kepptust allt í einu um að vera mestu umhverfisverndarsinnarnir. Loftlagsbreytingar eru enn heitasta umfjöllunarefnið í dagblaðaleiðurum og pólitískri umræðu.
Noregur
Heimsmeistari í hreinsitækni
Noregur verður að styrkja stöðu sína sem stórveldi á sviði orkumála en á sama tíma verður landið að minnka losun gróðurhúsaloftegunda að minnsta kosti jafn mikið og Evrópusambandið (ESB). Það eitt sér er mjög krefjandi verkefni og mikil óeining innan ríkisstjórnarinnar um umhverfis- og lofslagsmál gerir það næstum ókleift. En trúi menn á nýja tækni, þá er von. Nýjum gasorkuverum í Noregi ber að þróa hreinsitækni sem á að hindra losun koltvísýrings, ekki bara í Noregi heldur í öllum heiminum.
Danmörk
Baráttan fyrir umhverfinu – og græn áhersla
Orku- og umhverfismál eru á góðri leið að verða aðalmálin í dönskum stjórnmálum. Nýjar skoðanakannanir sýna að stöðugt fleiri Danir hafa áhyggjur af loftslagsbreytingunum og vilja fá áætlanir um aðgerðir frá stjórnmálamönnunum. Þróunin hefur á stuttum tíma breytt orku- og umhverfismálapólitík í nýtt átakasvæði fyrir ríkisstjórn og stjórnarandstöðu en allmörg undanfarin ár hafa þessi mál ekki vegið sérlega þungt. Þeir stjórnmálaflokkar, sem best tekst að koma fram með sannfærandi orku- og umhverfisstefnu í þessari baráttunni, eiga von á góðu gengi í næstu kosningabaráttu.
Ísland
Hugsa um heimatorfuna, framkvæma á heimsvísu
Er Ísland fyrirmyndarríki, sem með sinni hreinu orku getur stuðlað að því að draga úr útblæstri gróðurhúsalofttegunda á heimsvísu? Eða eru Íslendingar í hópi verstu skúrkanna, sem brenna mestu jarðefnaeldsneyti og menga mest? Hvort tveggja getur verið rétt og það gerir umræðuna bæði þversagnakennda og áhugaverða.
