Menningarleg fjölbreytni á Norðurlöndum.
Danmörk
Framgangi danskra nýbúa miðar hægt og rólega
Opni maður danskt dagblað eða horfir á fréttir í sjónvarpinu ber mest á fregnum af ofbeldisfullum átökum milli mótorhjólagengja og innflytjendagengja í Kaupmannahöfn. En það er raunar fleira frásagnarvert: Aldrei áður hafa svo margir nýbúar verið í starfi, aldrei áður hefur svo margt ungt fólk úr innflytjendafjölskyldum verið að mennta sig – og aldrei áður hefur það hafa þeir tekið eins virkan þátt í samfélaginu og látið skoðanir sínar í ljós.
Ísland
„Takk!“ á ýmsum tungumálum
Heilsíðuauglýsingar birtust í dagblöðum, tímaritum og sjónvarpi á Íslandi í mars, þar sem innflytjendum var þakkað fyrir að auðga mannlíf og menningu landsins og taka þátt í að byggja hér upp fjölbreytt og öflugt samfélag, eins og sagði í texta þeirra. „Takk!“ sögðu auglýsingarnar, sem birtust á fjölmörgum tungumálum. Takk á pólsku, arabísku og kínversku, rússnesku, litháísku, spænsku og filippeysku.
Finnland
Innflytjendur ennþá í aukahlutverki
Eitt helsta einkenni finnsks menningarlífs er einmitt að það er finnskt. Sama á við um stjórnmálin og fjölmiðlaheiminn, já eiginlega allan opinbera geirann í Finnlandi. Innflytjendur er helst að finna a útjaðrinum, stöku sinnum í aukahlutverki en sjaldan sem virka þátttakendur. Þetta á jafnt við um finnskumælandi og sænskumælandi menningargeirann.
Svíþjóð
Hart deilt um menningu og margbreytileika í Svíþjóð
Menningarstefna er eldfimt deiluefni í Svíþjóð. Nýlega lagði nefnd á vegum ríkisins fram níu hundruð blaðsíðna skýrslu um ný stefnumið í menningarmálum og eiga þau að stuðla að margbreytni og endurspegla að í Svíþjóð býr fólk frá mörgum menningarheimum. Gagnrýnendur segja aukið skrifræði felast í tillögunni og auk þess verði innflytjendur settir til hliðar í hinu hefðbundna menningarlífi.
Álandseyjar
Álandseyjar í heiminum – rólyndissamfélag háð breytingum
Fyrsti bær Álands, ef hægt er að kalla hann því nafni, óx á allt öðrum stað en þar sem höfuðstaðurinn ungi Maríuhöfn stendur. Þegar Rússar tóku Finnland og Álandseyjar yfir eftir stríðið árin 1808 til 1809 var byrjað að byggja upp Bomarsundsvirkið – stórkostlegt mannvirki sem var sprengt í tætlur árið 1856 áður en það var einu sinni fullgert. Í tengslum við byggingu virkisins reis upp bærinn Skarpans og þar bjó fólk af öllu slagi – Rússar, Finnar, Svíar, Frakkar, Múhameðstrúarmenn, gyðingar, grísk-katólskir og mótmælendur – sem allir fengu hinstu hvíld í grafreitnum sem ennþá er hægt að skoða rústirnar af í háu grasinu á Prästö.
Noregur
Þröng skilgreining á menningarpólitík
Ríkisstjórnin gortar sig af því að hafa tryggt hærra fjárframlag til menningarstarfsemi en nokkur ríkisstjórn hefur gert. Takmarkið um að láta 1% verðmætasköpunar landsins renna til menningar fyrir árið 2014 er innan seilingar. En ríkisstjórnin og Stórþingið hafa ekki reynt að víkka vitund stjórnmálamanna og samfélagsins um það hvað teljist til menningarpólitíkur. Það er að mestu látið öðrum eftir að rökræða um málfrelsi og fjölmenningu. Það eru engin menningarátök í Noregi.
