Orka
Finnland
Finnar hyggjast nota meiri kjarnorku
Í Finnlandi er vaxandi eftirspurn eftir orku ekki mætt á sama hátt og á hinum Norðurlöndunum vegna þess að þar í landi hyggja menn á frekari notkun kjarnorku. Auðvitað er mikið rætt um lífræna orkugjafa og hvernig hægt sé að komast hjá því að vera háður olíu en í iðnaðargeiranum reikna menn meðal annars að fullnægja grunnþörfum fyrir orku með kjarnorku.
Svíþjóð
Kjarnorka ekki kosningamál
Hátt rafmagnsverð varð að þrætuepli borgaralegu flokkanna og jafnaðarmanna í kosningabaráttunni í Svíþjóð. Það hefði einnig mátt deila hart um kjarnorkuframleiðslu, því nokkrum vikum fyrir kosningar kom upp alvarleg bilun í kjarnakljúfum tveggja kjarnorkuvera, í Oskarshamn og Forsmark. En svo varð ekki, því hvorug stjórnmálafylkingin vildi taka þá áhættu að opinbera innbyrðis ágreining og þar með gera kjarnorkuframleiðslu að kosningamáli.
Noregur
Orkukreppa leiðir hugsanlega til ríkistjórnarkreppu
Síðasta ríkisstjórnarkreppa í Noregi kom í kjölfarið á langvarandi pólitískri deilu um byggingu á gasorkuveri. Orkumálaumræðan inniheldur ennþá nógu mikið pólitískt sprengiefni til þess að geta leitt til pólítískrar kreppu, sérstaklega núna eftir þurrt og heitt sumar í Suður-Noregi sem hefur leitt til þess að uppistöðulón eru nánast tóm og spáð er háu orkuverði í vetur. Reiknað er með að orkuverðið verði næstum því jafnhátt og það sem við þekkjum frá löndunum á meginlandi Evrópu.
Færeyjar
Olíuleit og nýir möguleikar varðandi raforku eru hitamál í Færeyjum
Menn bíða og vona að brátt finnist auðugar olíulindir á hafsvæðunum í kringum Færeyjar. En það er þó ennþá óvíst hvort olían verður framtíðartekjulind Færeyja. Þrátt fyrir að það líti ágætlega út á pappírnum að 45% orkuframleiðslu á landi komi frá endurnýjanlegum orkugjöfum (vatns- og vindorku), þá eru það einungis 3% af heildarorkunotkuninni. Svo mikið af orkunni á rætur sínar að rekja til olíunnar. Olía er jafnvel notuð til húshitunar. Það er ráðgert að auka framleiðsluna á grænni orku, meðal annars með því að nota vetni og með því að nota í auknum mæli hina umdeildu vatnsorku. En Færeyjar menga mikið. Skortur á stefnu og tölfræðilegum upplýsingum gerir það að verkum að erfitt er að fylgja Kyotosamningnum.
Danmörk
Ný umhverfisstefna í Danmörku
Anders Fogh Rasmussen forsætisráðherra Danmerkur hefur tekið forystuna í meiriháttar stefnumótun þar sem ríkisstjórn Vinstriflokksins og Íhaldsflokksins snýr óvænt við blaðinu í umhverfis- og orkumálapólitík. Fogh ætlar að leggja fram metnaðarfulla orkuáætlun sem á að koma Danmörku á heimskortið sem brautryðjanda og gefa ríkisstjórn hans græna ásýnd. Átakið sýnir áhrifamikil umskipti.
Ísland
Orkuhlaðin stjórnmálaumræða
Stefnan í orkumálum er stærsta pólitíska deilumálið á Íslandi nú um stundir. Íslendinga vantar ekki orku; þeir sitja á gríðarmiklum, hreinum og endurnýjanlegum orkulindum í formi vatnsfalla og jarðhita. En, svo þversagnakennt sem það hljómar, orkar nýting þessara orkulinda mjög tvímælis út frá umhverfissjónarmiðum og afstaðan til orkumála skiptir þjóðinni í vaxandi mæli í tvær fylkingar.
Norrænn sýningarsalur fyrir nýja orkutækni
Norðurlönd eru í fararbroddi hvað varðar þróun á nýrri, umhverfisvænni orkuframleiðslutækni. En erum við nógu sýnileg? Geta Norðurlönd nýtt sér stöðu sína sem leiðandi afl í heiminum í framleiðslu á endurnýjanlegri orku, t.d. með því að vera svæði sem prófar og sýnir nýja orkutækni? Það var þema málstofunnar „Top of Europe - Demonstrating New Energy Technologies“ sem haldin var í Bodø í Noregi 6. – 7. september. Málstofan var skipulögð af Norðmönnum sem hafa formennsku í norrænu orkumálasamstarfi og Norrænu orkurannsóknarstofnuninni. Hún var haldin á undan ráðherraráðsfundi norrænu orkumálaráðherranna 7. – 8. september.
