Ríkisstjórnin og stjórnarandstaðan
Finnland
Spenna í stjórnmálunum í haust
Finnar fögnuðu 90 ára sjálfstæði sínu þann sjötta desember síðastliðinn og vörpuðu öndinni léttar eftir mikla spennu sem hefur verið ríkjandi í stjórnmálunum í haust. Öllum létti stórum þegar ljóst var að ekkert yrði úr fjöldauppsögnum hjúkrunarfræðinga. En síðan hefur sambandið á milli ríkisstjórnarinnar og stjórnarandstöðunnar verið viðkvæmara en áður.
Svíþjóð
Kosningaloforðin efnd en kjósendur bregðast
Ríkisstjórn hægriflokkanna í Svíþjóð er óvinsælli en nokkru sinni fyrr. Nýjustu skoðanakannanir sýna að 12.000 kjósendur hafa snúið baki við stjórninni á degi hverjum frá því hún tók við völdum. Forskot stjórnarandstöðunnar vex jafnt og þétt og fyrst og fremst vegna þess að fylgi Jafnaðarmanna rýkur upp – án þess að þeir þurfi að hafa nokkuð fyrir því. Stjórnspekingar og aðrir þjóðfélagsrýnar undrast þessa óvanalegu stöðu sem upp er komin í sænskum stjórnmálum og eiga erfitt með að finna eina alhliða skýringu á henni.
Noregur
Söguleg undantekning
Þegar mynduð var „róttækasta ríkisstjórn Evrópu“ í Noregi trúðu margir því að pólitískt landslag væri að breytast varanlega. Það leit út fyrir að við fengjum aftur í Noregi hefðbundna skiptingu flokkanna í bandalög eftir hægri-vinstri ásnum. En sú er ekki raunin. Það liggur ljóst fyrir að stjórnarandstöðuflokkarnir munu ekki sameinast í andstöðu sinni við ríkisstjórnina og það gæti allt eins farið svo að rauð-græna ríkisstjórnin spryngi.
Danmörk
Blikur á lofti í dönsku efnahagslífi
Brýnasta verkefni Anders Fogh Rasmussens verður að ráðast gegn ýmsum hættum sem steðja að dönsku efnahagslífi. Efnahagsráðgjafar ríkisstjórnarinnar, Seðlabankinn og Efnahags- og framfarastofnunin (OECD) krefjast þess að efnahagsstefna ríkisstjórnarinnar verði tafarlaust endurskoðuð, meiri aga beitt í ríkisfjármálum og dregið verði úr ríkisútgjöldum – í stað þess að fljóta sofandi að feigðarósi og hætta á að atvinnuleysi aukist og samdráttur verði í efnahagslífinu.
Ísland
Svarnir óvinir féllust í faðma
Landslagið í íslenskum stjórnmálum breyttist verulega eftir alþingiskosningarnar í maí síðastliðnum. Eftir 12 ára stjórnarsamstarf Sjálfstæðisflokksins og Framsóknarflokksins varð sá síðarnefndi að víkja. Raunar hélt ríkisstjórnin meirihluta sínum þriðju kosningarnar í röð, en sá meirihluti var kominn niður í einn þingmann eftir afhroð Framsóknarflokksins í kosningunum og Sjálfstæðismenn höfðu ekki áhuga á áframhaldandi samstarfi við þær aðstæður. Tólf ára samstarfi var lokið, en Sjálfstæðisflokkurinn sat áfram við stjórnvölinn, eins og hann hefur gert samfleytt frá 1991, eða í sextán ár. Að þessu sinni er samstarfið við jafnaðarmenn í Samfylkingunni.
