Stefna í málefnum flóttamanna og minnihlutahópa
Noregur
Enn hafa menn trú á að samræður skili árangri
Norsk stjórnvöld og nánast allir ritstjórar dagblaða völdu að styðjast við samræður fremur en deilur þegar teiknimyndamálið kom upp fyrir tveimur árum. Fáir sjá eftir því. Flestir eru þeirrar skoðunar að ágreiningurinn varðandi innflytjendur og samþættingu þeirra sé minni í Noregi en í flestum vestrænum löndum. En það þýðir ekki endilega það sé fullkomin sátt og samlyndi um stefnuna í Noregi. Þar fyrir utan þarf ríkisstjórnin væntanlega að viðhalda mjög strangri innflytjendapólitík til að tryggja eininguna.
Finnland
Mestur styr um sumarbústaði Rússa í málefnum útlendinga
Umræður um innflytjendur og minnihlutahópa eru öðruvísi í Finnlandi en annars staðar á Norðurlöndunum. Nú standa deilurnar um kaup Rússa á öllum sumarhúsalóðum við strandlengjur í Austur-Finnlandi. Fjöldi innflytjenda frá öðrum löndum eykst einnig statt og stöðugt en fram til þessa hafa eins og kunnugt er einungis verið afar fáir innflytjendur í Finnlandi.
Svíþjóð
Hægristjórnin herðir löggjöf um móttöku flóttamanna
Það verður erfiðara í framtíðinni fyrir flóttamenn sem fengið hafa hæli í Svíþjóð að fá ættingja sína til landsins. Og íröskum flóttamönnum, sem áður hafa átt kost á landvistarleyfi, verður nú vísað aftur til síns heima. Svokallaður heimsendingarsáttmáli milli Svía og Íraka á að greiða fyrir því að senda megi íraska flóttamenn nauðuga úr landi.
Danmörk
Nýtt uppgjör í innflytjendamálum
Erfitt uppgjör fór af stað í Danmörku um stefnuna í málefnum innflytjenda og aðlögun þeirra að samfélaginu þegar upp komst að reynt hefði verið að sýna einum teiknara heimsþekktra múhameðsteikninga banatilræði og unglingar úr innflytjendafjölskyldum stóðu fyrir óeirðum. En það voru sósíaldemókratar sem sátu eftir með sárt enni.
Ísland
Erfitt að læra af mistökum annarra
Innflytjendum hefur fjölgað mjög á Íslandi á undanförnum árum, en þrátt fyrir það er landið tveimur til þremur áratugum á eftir nágrannaríkjum sínum að þessu leyti. Fjölgunin hefur verið mest í hópi þjóða, sem hafa gengið í Evrópusambandið og þannig öðlast rétt til starfa á Evrópska efnahagssvæðinu. Pólverjar hafa til dæmis sótt mjög til Íslands, sem allt eins má orða svo, að Íslendingar hafi sóst mjög eftir að fá Pólverja til landsins, enda hefði mikill uppgangur í efnahagslífi undanfarinna ára vart orðið að veruleika nema fyrir þeirra vinnufúsu hendur. Samhliða því, að Pólverjar og aðrir Evrópubúar hafa sótt til Íslands, hefur fólki frá öðrum heimshlutum, svo sem Asíu, reynst erfiðara að fá atvinnu- og landvistarleyfi.
