Velferð
Finnland
Ódýrt áfengi skilur eftir sig ljót spor
Það er engin goðsögn að Finnar þoli ekki áfengi. Allt síðan gjöldin á áfengi voru lækkuð mjög mikið árið 2004 hefur neysla áfengra drykkja í Finnlandi aukist gríðarlega og samfara neyslunni tjónið sem drykkjan hefur í för með sér. Það bitnar fyrst og fremst á fjölskyldum sem minna mega sín, síðast og ekki síst þar sem finnskt velferðarsamfélag skiptist í æ ríkara mæli í meirihluta þeirra sem gengur allt í haginn og hinn sundraðan minnihluta.
Svíþjóð
Daður hægrimanna náði til vinstri kjósenda
Kosningarnar í haust voru frábrugðnar fyrrum pólitískum átökum, þar sem velferðin skildi ekki pólitísku fylkingarnar tvær að, í þetta sinn. Frederik Reinfeldt formaður hófsamra lofaði meira að segja í hita leiksins að sama hve miklu fjármagni jafnaðarmenn lofuðu í opinbera geirann, væri hann tilbúinn að leggja jafn mikið eða jafnvel meira af mörkum. Stefna borgaralegu ríkisstjórnarinnar felst hins vegar í niðurskurði félagslegra trygginga og þar með lækkun bóta til sjúklinga, þeirra sem þiggja eftirlaun og ekki síst til atvinnulausra. Sparnaður sem af þessu hlýst verður nýttur til nýsköpunar starfa með það markmið að bjarga velferðarkerfinu.
Noregur
Olíupeningar auka þrýstinginn á velferðarkerfið
Olíupeningar eður ei, þá stendur Noregur frammi fyrir sömu vandamálum tengdum velferðaríkinu og öll önnur vesturevrópsk ríki – meðalaldur hækkar, sífellt stærri hluti þjóðarinnar er utan vinnumarkaðarins, innflytjendahópar sem eiga erfitt með að samlagast þjóðfélaginu, sífellt dýrara heilbrigðiskerfi og fjölmiðlasamfélag sem hefur lítið umburðalyndi gagnvart óvinsælum stjórnvöldum. Svo ekki sé talað um vaxandi óánægju sem fylgir auknum væntingum sem enginn skortur er á í landi sem á ofgnótt olíudollara.
Norræna velferðarkerfið stendur frammi fyrir þremur vandamálum
Í rannsóknarverkefni Norrænu ráðherranefndarinnar um velferð er komist að þeirri niðurstöðu að við búum við norrænt velferðarkerfi sem byggir á sameiginlegum gildum, þrátt fyrir að löndin reki mismunandi velferðarpólitík á ýmsum sviðum. Sameiginlegu gildin eru augljós þegar við berum Norðurlönd saman við önnur lönd Evrópu og OECD.
Danmörk
Baráttan fyrir velferð í Danmörku hefur áhrif á kjósendur
Stjórnmál í Danmörku eru að taka breytingum. Skoðanakannanir sýna að Anders Fogh Rasmussen forsætisráðherra og ríkisstjórnin ásamt stuðningsflokknum Danska þjóðarflokknum missi fylgi en fylgi stjórnarandstöðunnar með Sósíaldemókrataflokkinn í broddi fylkingar fari vaxandi. Framgang sinn á Sósíaldemókrataflokkurinn því að þakka að flokkurinn er aftur að ná tökum á velferðarpólitíkinni og þar með má búast við að brátt skapist á ný „hefðbundnara ástand“ í dönskum stjórnmálum. Sögulega séð hefur það verið afar óvenjulegt að Anders Fogh Rasmussen, sem formaður hins borgaralega og frjálslynda Vinstriflokks, skuli í allnokkur ár hafa getað eignað flokknum velferðarmálin. Erlendum stjórnmálaskýrendum sést oft yfir þá staðreynd.
Ísland
Norræna velferðarmódelið yfirgefið?
Íslenzka efnahagsundrið hefur á undanförnum árum skilað Íslendingum miklum kjarabótum. Allir hafa það betra en fyrir tíu árum og ríkidæmi Íslendinga fer ekki framhjá neinum. En misskipting tekna og eigna eykst engu að síður. Afmarkaðir hópar hafa orðið útundan í góðærinu og sumir halda því fram að Ísland sé á hraðri siglingu í burtu frá hinu skandinavíska velferðarmódeli.
Grænland
Grænland: Örari þróun – minni meðferð
Velferð snýst um félagslegt og efnahagslegt öryggi borgaranna. Eigi börnin að leggja sitt af mörkum til að tryggja meiri velferð fyrir alla í Grænlandi í framtíðinni, er forsendan að þau kynnist velferð og öryggi í uppvexti sínum auk þess sem þeim sé tryggð góð heilsa. Það verður að leggja áherslu á uppvöxtinn í fjölskyldunni og framboð samfélagsins á barnagæslu, þróun og menntun á næstu áratugum. Hin hraða þróun í Grænlandi þar sem fjölskyldugerðin, vinnumarkaður og efnahagur hefur tekið miklum breytingum, hefur skapað þörf fyrir félagslegt kerfi sem virkar vel við að vinna upp það tap sem fylgt hefur þróun síðustu áratuga.
