Vinna sem hjúkrunarfræðingur í Noregi

Á þessari síðu eru upplýsingar fyrir hjúkrunarfræðinga sem vilja starfa sem slíkir í Noregi.

Hvar er sótt um vinnu sem hjúkrunarfræðingur?

Hjúkrunarfræðingar geta unnið á mörgum stöðum í Noregi. Oftast er það þó á sjúkrahúsum og við heilbrigðis- og umönnunarþjónustu hjá sveitarfélögunum, t.d. á hjúkrunarheimili, elliheimili, í heimaþjónustunni, í skólum og á heilsugæslustöðum.

Í Noregi eru starfandi fjórar svæðisbundnar heilbrigðisstofnanir: Helse Sør-Øst, Helse Vest, Helse Midt-Norge og Helse Nord. Hver þessara stofnana rekur sjúkrahús á sínu svæði. Á vefsíðum heilbrigðisstofnananna eru yfirlit og krækjur á sjúkrahúsin og þar eru einnig upplýsingar fyrir atvinnuleitendur. 

Í Noregi bera sveitarfélögin ábyrgð á að veita öldruðum og öðrum sem á þurfa að halda þjónustu. Nánar um þetta á opinberu heilbrigðisgáttinni Helsenorge.

Almennar upplýsingar um atvinnuumsóknir

Hægt er að sækja um starf í gegnum opinberu vinnumiðlunina í Noregi. Á vefsíðu Vinnu- og tryggingamálastofnunarinnar (NAV) eru fjölmargar auglýsingar um laus störf og þar er gott að hefja leitina. Útlendingar geta einnig notað EURES-þjónustuna í heimalandinu til að finna starf í Noregi eða haft samband við EURES-ráðgjafa eða  NAV-skrifstofuá því svæði sem þeir vilja starfa á. Þar sem sveitarfélögin bera ábyrgð á heilbrigðis- og umönnunarþjónustu í Noregi er einnig ráðlegt að skoða upplýsingar um lausar stöður á vefsíðum sveitarfélaganna.

Önnur leið til að leita að starfi er að nota einkareknar atvinnumiðlanir eða ráðningaþjónustur eða með því að hafa samband beint við mögulega vinnuveitendur. Til eru vinnumiðlanir og ráðningaþjónustur sem sérhæfa sig í að finna starfsfólk á sviði heilbrigðis- og umönnunarþjónustu.

Leyfi til að starfa sem hjúkrunarfræðingur

Í Noregi eru einstakar starfsgreinar verndaðar með lögum og þarf því leyfi til þess að starfa við þær. Heilbrigðisstofnunin (Helsedirektoratet) veitir leyfi til starfssemi innan heilbrigðissviðsins svo sem fyrir lækna, sálfræðinga, hjúkrunarfræðinga, sjúkraþjálfara, lyfjafræðinga, lífverkfræðinga, sjúkraliða, o.fl. Nánar á vef norsku heilbrigðisstofnunarinnar.

Í flestum tilfellum krefjast norskir vinnuveitendur þess að starfsmenn í heilbrigðisgeiranum hafi norskt leyfi. Hægt er að sækja um leyfi sem veitir full réttindi til starfa eða tímabundið leyfi þar til viðkomandi hefur áunnið sér full réttindi. 

Í Noregi heyra 30 mismunandi faghópar undir starfsréttindakerfi Helsedirektoratet. Hjúkrunarfræðingar eru einn þessara hópa. Það þýðir meðal annars að óheimilt er að starfa eða titla sig sem hjúkrunarfræðingur án þess að hafa réttindi.. Vinnuveitendum er skylt að athuga réttindi starfsmanna sem eru ráðnir. Forsenda þess að mega sækja um starfsréttindi sem hjúkrunarfræðingur í Noregi er að hafa lokið almennu hjúkrunarfræðinámi. Í Noregi er ekki krafist sérfræðileyfis í hjúkrun. Hjúkrunarfræðingar þurfa ekki að sækja um tímabundin leyfi (lisens). 

Þegar sótt er um starfsleyfi skal fylla út umsóknareyðublað. Einnig þarf að senda með umsókninni nokkurn fjölda skjala. Ekki þarf að þýða skjöl sem skrifuð eru á skandinavísku tungumáli (dönsku, norsku eða sænsku) eða ensku. Munnið að senda aldrei upprunaleg skjöl, heldur «staðfest» eða «rétt» afrit af skjölunum. Nánari upplýsingar má nálgast á vefsíðum norsku heilbrigðisstofnunarinnar um starfsleyfi fyrir hjúkrunarfræðinga. Þar má einnig finna eyðublaðið sem á að nota og upplýsingar um þau gögn sem þurfa að fylgja umsókninni.

Athugið að gjald er tekið fyrir umsókn um leyfi. Nánari upplýsingar um þetta gjald má finna á vef Heilbrigðisstofnunarinnar. Forsenda viðurkenningar á starfshæfni er að viðkomandi uppfylli hæfniskröfur vegna viðkomandi starfsgreinar í ESB-/EES-ríki. Nánar um þetta á vef stofnunar um gæði í menntun (Nasjonalt organ for kvalitet i utdanningen, NOKUT).

Laun og aðrar hagnýtar upplýsingar tengdar hjúkrunarfræðingsstarfinu

  • Á vef norska hjúkrunarfræðingafélagsins (Norsk Sykepleierforbund) eru m.a. upplýsingar um lágmarkslaun hjúkrunarfræðinga í Noregi.
  • Nýjustu fréttir af hjúkrunarfræðifaginu í Noregi eru í tímariti hjúkrunarfræðingafélagsins Sykepleien.
  • Fagfélagið hefur einnig útbúið verfærakassa yrir þá sem hyggjast mennta sig/vinna sem hjúkrunarfræðingar, með nánari upplýsingum. 

Halló Norðurlönd

Gagnlegar upplýsingar (6)

Halló Norðurlönd, upplýsingaþjónusta Norrænu ráðherranefndarinnar, aðstoðar þá sem hyggjast flytja til annars norræns lands til að stunda vinnu eða nám.


Vinna sem hjúkrunarfræðingur í Noregi

Á þessari síðu eru upplýsingar fyrir hjúkrunarfræðinga sem vilja starfa sem slíkir í Noregi.

Að sækja um starf í Noregi

Hér má finna upplýsingar um það að sækja um starf í Noregi og hvar finna má auglýsingar um lausar ...

Þjóðskrá í Danmörku

Eftirfarandi eru upplýsingar um hvenær einstaklingur á rétt á að skrá sig í þjóðskrá í Danmörku.

Aðgangur að háskólamenntun í Danmörku

Að neðan eru upplýsingar um aðgang að háskólamenntun í Danmörku.

Almannatryggingar þeirra sem flytja til ...

Hér eru upplýsingar um reglur sem gilda um almannatryggingar, þegar flutt er til eða frá Svíþjóð.

Barnagæsla í Svíþjóð

Í Svíþjóð er fjöldi ólíkra möguleika á barnagæslu fyrir börn á aldrinum 1 til 5 ára. Foreldrar ...

Hafa samband

Hafa samband við Halló Norðurlönd

Hægt er að nota rafrænt eyðublað Halló Norðurlanda til að senda spurningar um að flutning, vinnu eða nám á Norðurlöndum.