Um upplýsingaþjónustuna Halló Norðurlönd

Halló Norðurlönd er upplýsingaþjónusta Norrænu ráðherranefndarinnar fyrir fólk sem flyst búferlum, starfar og stundar nám á Norðurlöndum. Starf Halló Norðurlanda er samræmt og til staðar í öllum norrænu löndunum átta.

Upplýsingar um Norðurlöndin sem heild 

Vinnumarkaður Norðurlandanna er sameiginlegur og milli ríkjanna eru samstarfssamningar meðal annars um almannatryggingar og menntun. Hlutverk Halló Norðurlanda er að auðvelda frjálsa för einstaklinga á Norðurlöndum. Þetta er gert með því að fræða Norðurlandabúa um þær reglur sem gilda um flutning, ferðalög til vinnu og annað. Á vefsíðum okkar eru almennar upplýsingar um regluverkið í hverju landi, upplýsingar um stjórnvöld og hagnýtar upplýsingar um það sem þarf að gera þegar fólk flytur til annars norræns ríkis, starfar þar eða stundar nám. 

Ef svörin finnast ekki á síðunum er hægt að hafa samband við Halló Norðurlönd með því að fylla út eyðublað eða setja sig í samband við eina af upplýsingaskrifstofunum. Upplýsingarnar eru á dönsku, finnsku, íslensku, norsku og sænsku. Hægt er að hafa samband við skrifstofuna á einu af þessum tungumálum auk ensku og færeysku og grænlensku.

Árið 2017 fengu vefsíður Halló Norðurlanda um það bil eina milljón heimsókna og svarað var um 2.500 fyrirspurnum.

Vefsíður Halló Norðurlanda 

Norrænir samstarfssamningar 

Hafa samband við Halló Norðurlönd 

Halló Norðurlönd á facebook 

Unnið að afnámi stjórnsýsluhindrana

Meðal helstu verkefna Halló Norðurlanda er að kortleggja vandamál og mögulegar norrænar stjórnsýsluhindranir sem einstaklingar og lítil fyrirtæki standa frammi fyrir þegar þau hyggjast starfa í öðru norrænu landi. Halló Norðurlönd notar upplýsingar um stjórnsýsluhindranir frá einstaklingum, meðal annars í samstarfi við Ráðið um stjórnsýsluhindranir, til þess að vekja athygli viðeigandi stjórnmálamanna og embættismanna á vandamálum og mögulegum lausnum.

Halló Norðurlönd reyna að vekja athygli að óljósum reglum, upplýsingaskorti og ósamræmi milli norrænna reglugerða. Halló Norðurlönd safna saman upplýsingum um norrænar stjórnsýsluhindranir og gerir þær aðgengilegar borgurum og stjórnvöldum með því að birta þær í gagnagrunni Norrænu ráðherranefndarinnar um stjórnsýsluhindranir.

Einnig er upplýsingum um norrænar stjórnsýsluhindranir miðlað áfram til hlutaðeigandi stjórnmálamanna, Norrænu ráðherranefndarinnar og stjórnvalda í norrænu ríkjunum. Halló Norðurlönd er þannig hluti af formlegu samstarfi norrænu ríkjanna um afnám stjórnsýsluhindrana.

Vinna við afnám stjórnsýsluhindrana á Norðurlöndum 

Gagnagrunnur um stjórnsýsluhindranir

Skipulag

Upplýsingaskrifstofur Halló Norðurlanda eru í Danmörku, Finnlandi, Færeyjum, Noregi og Svíþjóð og á Grænlandi, Íslandi og Álandseyjum. Í hverju landi er verkefnisstjóri. 

Halló Norðurlönd heyra undir samstarfsráðherra Norðurlanda og samskiptasvið Norrænu ráðherranefndarinnar hefur yfirumsjón með verkefninu.

Norrænt Atlantshafssamstarf rekur skrifstofu Halló Norðurlanda í Færeyjum.

Á Grænlandi rekur Norræna stofnunin (NAPA) skrifstofu verkefnisins.

Í Svíþjóð rekur Nordregio skrifstofu Halló Norðurlanda.

Allar aðrar skrifstofur Halló Norðurlanda eru reknar af Norrænu félögunum. 

Skrifstofur Halló Norðurlanda 

Takmarkanir Halló Norðurlanda

Halló Norðurlönd gegna ekki hlutverki umboðsmanns og er ekki ætlað að aðstoða einstaklinga við erindi sem krefjast þess að nafn eða kennitala sé notuð. Verkefnastjórarnir geta ekki haft samband við stjórnvöld fyrir hönd einstaklinga og upplýsingar sem veittar eru eru ávallt á almennum grundvelli.

Kynningarstarf

Halló Norðurlönd standa fyrir upplýsingastarfi af ýmsu tagi til að vekja athygli á frjálsri för á Norðurlöndum, upplýsa um norrænar reglur og til þess að skapa vettvang fyrir samskipti þvert á landamæri. Upplýsingastarfið fer fram í hverju landi fyrir sig, oft í samvinnu við aðrar skrifstofur Halló Norðurlanda eða aðra tengda aðila. Markhóparnir eru ýmist almenningur, starfsmenn opinberra stofnana, stjórnmálamenn eða annað forystufólk. 

Samstarf við aðra aðila

Halló Norðurlönd starfa með öðrum upplýsingaþjónustum, SOLVIT, Stjórnsýsluhindranaráðinu, sendiráðum Norðurlanda, Eures, opinberum stofnunum í norrænu ríkjunum, atvinnulífssamtökum og fleirum.

Við vonum að þú finnir svar við spurningum þínum um Norðurlönd á vefsíðunum.

Halló Norðurlönd

Gagnlegar upplýsingar (6)

Halló Norðurlönd, upplýsingaþjónusta Norrænu ráðherranefndarinnar, aðstoðar þá sem hyggjast flytja til annars norræns lands til að stunda vinnu eða nám.


Vinna sem hjúkrunarfræðingur í Noregi

Á þessari síðu eru upplýsingar fyrir hjúkrunarfræðinga sem vilja starfa sem slíkir í Noregi.

Að sækja um starf í Noregi

Hér má finna upplýsingar um það að sækja um starf í Noregi og hvar finna má auglýsingar um lausar ...

Þjóðskrá í Danmörku

Eftirfarandi eru upplýsingar um hvenær einstaklingur á rétt á og er skyldugur til að skrá sig í ...

Aðgangur að háskólamenntun í Danmörku

Hér er að finna upplýsingar um aðgang að háskólamenntun í Danmörku.

Almannatryggingar þegar flutt er til eða ...

Hér er að finna upplýsingar um reglur varðandi almannatryggingar þegar flutt er til eða frá Svíþjóð.

Barnagæsla í Svíþjóð

Hér er að finna upplýsingar um gæslu barna á aldrinum eins til fimm ára í Svíþjóð.

Hafa samband

Hafa samband við Halló Norðurlönd

Hægt er að nota rafrænt eyðublað Halló Norðurlanda til að senda spurningar um að flutning, vinnu eða nám á Norðurlöndum.