Norðurlandaráð og Evrópa

Eðlilegt er, vegna landfræðilegrar legu, að Norðurlandaráð taki þátt í þingmannasamstarfi í Norður-Evrópu. En ráðið er einnig í tengslum við aðra hluta Evrópu. Það er hagkvæmt að eiga tengslanet við þingmannasamtök og Norðurlandaráð vill eiga þátt í ákvörðunum um samnorræn hagsmunamál innan ESB, s.s. um Eystrasaltsstefnu ESB. Forsætisnefnd Norðurlandaráðs hefur tilnefnt fulltrúa til að bera ábyrgð á og fylgja eftir norrænum sjónarmiðum, ekki síst gagnvart norrænum fulltrúum á Evrópuþinginu.