Sjúkratryggingar og sjúkraskírteini

Ef einstaklingur býr í Danmörku

Þegar einstaklingur flytur til Danmerkur frá öðru norrænu ríki eða ESB-/EES-ríki fær viðkomandi danskt sjúkraskrírteini eftir að hann hefur skráð sig í þjóðskrá folkeregistreret í Danmörku. Það er þó krafa að við flutning eigi viðkomandi aðild að opinberri sjúkratryggingu í því landi sem flutt er frá.

Sjúkraskírteinið er sönnun á því að viðkomandi eigi aðild að dönsku sjúkratryggingunum og eigi rétt á opinberri heilbrigðisþjónustu. Innifalið í þjónustunni er ókeypis læknaþjónusta og hlutagreiðslur til tannlækna, vegna lyfja, til sjúkraþjálfara o.fl.

Framvísa skal sjúkraskírteini í hvert skipti sem farið er til læknis, á slysavarðstofu eða á sjúkrahús.

Sjúkratryggingar fela einnig í sér ferðasjúkratryggingar sem tryggja læknisaðstoð við bráðatilfelli sem upp koma á ferðalögum í Evrópu og löndunum við Miðjarðarhaf.

Nánari upplýsingar um danska sjúkratryggingu eru á vefsíðunni: borger.dk.

Á vefsíðu opinbera heilbrigðiskerfisins, sundhed.dk, eru nákvæmar upplýsingar um danska heilbrigðiskerfið.

Reglur um danskar sjúkratryggingar og heilbrigðisþjónustu eru í lögum um heilbrigðisþjónustu: Sundhedsloven.

Ef einstaklingur sækir vinnu í Danmörku og býr í öðru landi

Ef einstaklingur býr í öðru ESB- eða EES-ríki og starfar hjá dönskum vinnuveitanda í Danmörku, er viðkomandi „landamærastarfsmaður" (grænsegænger). Viðkomandi á þá rétt á sérstöku heilbrigðiskorti ("det særlige sundhedskort"). Hann á þá rétt á þjónustu danska heilbrigðiskerfisins.

Maki og börn viðkomandi teljast ekki til sama hóps (grænsegængere). Þau eru tryggð af sjúkratrygginum í búsetulandi. Þó geta börn viðkomandi átt rétt á barnasprautum børnevaccinationer í Danmörku.

Sérstakt sjúkraskírteini gildir að hámarki í 2 ár Hægt er að sækja um sérstakt sjúkraskírteini hjá þjónustumiðstöð: borgerservicecenter, í því sveitarfélagi sem unnið er í.

Ef dvalið er tímabundið í Danmörku

Ef einstaklingur dvelur tímabundið í Danmörku og starfar ekki í landinu, á viðkomandi rétt á heilbrigðisþjónustu á sjúkrahúsi í Danmörku ef um bráðatilfelli eða alvarlegan sjúkdóm er að ræða.

Ef viðkomandi er með ólæknandi sjúkdóm sem hefur í för með sér að hann þarf á eftirliti eða annarri meðferð að halda á meðan á dvölinni stendur, á hann rétt á því. Ekki má fresta nauðsynlegri meðferð til þess eins að fá hana í Danmörku.

Ef einstaklingur er sjúkratryggður í norrænu ríki skal hann geta sýnt fram á það. Ef viðkomandi er sjúkratryggður í ríki sem ekki er innan ESB/EES, skal hann hafa meðferðis ESB tryggingakort: EU-sygesikringskort.

Nánari upplýsingar um rétt útlendinga til heilbrigðisþjónustu í Danmörku eru á vefsíðunni: sundhed.dk.

Heilbrigðisþjónusta

Heimilislæknir

Þegar einstaklingur flytur til Danmerkur skal hann velja sér heimilislækni í sveitarfélagi sem flutt er til. Við veikindi skal hafa samband við heimilislækni.

Heimilislækniri sér til þess að viðkomandi fái þá heilbrigðisþjónustu sem nauðsynleg er og getur vísað honum til sérfræðings.

Læknirinn getur einnig aðstoðað með aðra hluti eins og bólusetningar og getnaðarvarnir.

Sérfræðingar

Heimilislæknir metur hvort einstaklingar þurfa meðferð hjá sérfræðingi.

Sérfræðingar er sérhæfðir á ákveðnu sviði læknisfræðinnar, þeir eru t.d. háls-, nef- og eyrnalæknar, húðlæknar og geðlæknar.

Sjúklingar þurfa alltaf að fara í skoðun hjá heimilislækni áður en þeir fá tilvísun til sérfræðings.

Læknavaktin

Ef einstaklingur veikist og þarf á læknishjálp að halda utan opnunartíma hjá heimilislækni, getur hann hringt á læknavaktina (einnig kallað „vagtlægen").

Læknirinn metur hvort viðkomandi þarf að koma á móttöku læknavaktarinnar. Í sérstökum tilfellum vitja þeir til sjúklinga.

Upplýsingar um næstu læknavakt eru á vefsíðunni: laegevagten.dk.

Slysavarðstofa

Slysavarðstofan annast alvarleg meiðsl sem heimilislæknirinn getur ekki sinnt, t.d. beinbrot eða brunameiðsl.

Á slysavarðstofunni er alvarlegustu meiðslunum sinnt fyrst og þess vegna geta einstaklingar þurft að bíða.

Slysavarðstofa er á flestum, en ekki öllum, sjúkrahúsum. Á vefsíðunni: borger.dk er krækja á slysavarðstofur í Danmörku.

Neyðarlínan 112

Ef þörf er á sjúkrabílum vegna slysa eða annarra bráðatilfella skal hafa samband við 112.

Þar skal gefa upp nafn, hvað hefur gerst og hvaðan er hringt.

Tannlæknir

Tannlækningar eru ókeypis að 18 ára aldri.

Opinberar sjúkratryggingar greiða 65% af kostnaði við reglubundið eftirlit hjá 18-25 ára og 40% hjá öðrum.

Að auki er greiddur hlutakostnaður við aðrar gerðir meðferðar. Nánari upplýsingar á https://www.borger.dk/Emner/sundhed-og-sygdom/sygesikring-og-laegevalg/Sider/tandlaeger.aspx.

Oftast nær er búið að gera ráð fyrir greiðslunni í því verði sem tannlæknar auglýsa.

Á https://www.sundhed.dk/find-behandler/?action=dentaltreatment er hægt að bera saman kostnað við meðferð hjá ýmsum tannlæknum í Danmörku.

Tekjur á meðan á veikindum stendur

Upplýsingar um sjúkradagpeninga í Danmörku eru hér.