Document Actions

Kosningaréttur í Danmörku

Eftirfarandi reglur gilda fyrir norræna ríkisborgara um kosningarétt við kosningar og þjóðaratkvæðagreiðslur í Danmörku.

Ungdomens Nordiska råd
Ljósmyndari
Magnus Fröderberg/norden.org

Þingkosningar og þjóðaratkvæðagreiðslur

Einstaklingur getur kosið í þingkosningum (Folketingsvalg) og þjóðaratkvæðagreiðslum ef

  • hann er orðinn 18 ára,
  • er danskur ríkisborgari,
  • hefur fasta búsetu í Danmörku.

Viðkomandi hefur þó ekki kosningarétt ef hann hefur verið sviptur lögræði.

Ef einstaklingur hefur kosningarétt til þingkosninga eða þjóðaratkvæðagreiðslu fær viðkomandi sent kosningakort u.þ.b. fimm dögum fyrir kosningarnar.

Reglur um kosningarétt til þingkosninga eru í lögum um þingkosningar: Lov om valg til Folketinget.

Sveita- og bæjastjórnarkosningar

Aðfluttir í Danmörku geta kosið í sveita- og bæjastjórnakosningum þó þeir séu ekki danskir ríkisborgarar.

Viðkomandi þarf að vera 18 ára, hafa fasta búsetu í sveitarfélaginu/á svæðinu: fast bopæl i kommunen/regionen uppfylla a.m.k. eitt af eftirfarandi skilyrðum:

  • vera danskur ríkisborgari,
  • vera ríkisborgari í öðru ESB-ríki,
  • vera íslenskur eða norskur ríkisborgari,
  • hafa haft fasta búsetu í ríkinu (Danmörku, Færeyjum og Grænlandi) undanfarin 3 ár fyrir kosningadaginn.

Dvalartími reiknast frá og með þeim degi sem einstaklingur var skráður í þjóðskrá: bopælsregistreres i folkeregistret.

Ef einstaklingur hefur kosningarétt til sveitarstjórnar- eða héraðskosninga fær viðkomandi sent kosningakort u.þ.b. fimm dögum fyrir kosningar.

Reglur um kosningarétt til sveitarstjórna- og héraðskosninga eru í lögum um sveitarstjórna- og héraðskosningar: Lov om kommunale og regionale valg.

Kosningar til Evrópuþings

Ef einstaklingur er ríkisborgari í öðru ESB-ríki en Danmörku, getur hann kosið í kosningum til Evrópuþings í Danmörku ef hann er með fasta búsetu í Danmörku og er orðinn 18 ára, en eingöngu ef hann kýs ekki í heimalandinu í sömu kosningum.

Ef einstaklingur er ríkisborgari í ESB-ríki en býr í öðru, getur hann valið hvort hann vill greiða atkvæði í kosningum til Evrópuþings í heimalandinu eða búsetulandi, en hann getur aðeins kosið á einum stað.

ESB-borgari sem býr í Danmörku og vill kjósa í kosningum til Evrópuþings í Danmörku, skal á tímabilinu frá 3 mánuðum fyrir kosningadag til dagsins eftir að fimm vikur eru til kosninga, sækja um skráningu á kjörskrá í búsetusveitarfélagi sínu.

Reglur um kosningarétt í kosningum til Evrópuþings eru í lögum um kjör danskra fulltrúa á Evrópuþingið: Lov om valg af danske medlemmer til Europa-Parlamentet.

Tengt efni
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.
  • Öresund Direkt (Samtök)

    Öresund direkt er upplýsingaþjónusta, sem miðlar opinberum upplýsingum til almennings og atvinnulífs á Eyrarsundssvæðinu.

 

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.