Document Actions

Lífeyrisgreiðslur í Danmörku

Eftirfarandi eru reglur sem gilda fyrir norræna ríkisborgara sem hyggjast sækja um ellilífeyri eða eftirlaun sem veitt eru fyrir venjulegan eftirlaunaaldur (førtidspension).

Eldre
Ljósmyndari
Karen Beate Nøsterud - norden.org

Ellilífeyrir

Einstaklingar sem hafa búið eða starfað í Danmörku geta átt rétt á ellilífeyri frá Danmörku við 65 eða 67 ára aldur (háð fæðingarári).

Hafi einstaklingur verið búsettur í Danmörku í 40 ár á tímabilinu frá 15. og 65. aldursárs á viðkomandi rétt á fullum ellilífeyri. Ef einstaklingur hefur búið í Danmörku skemur en 40 ár fær viðkomandi skertan lífeyri.

Einstaklingur sem er ríkisborgari i EES-ríki og býr í Danmörku þarf að hafa búið í Danmörku í þrjú ár frá 15 ára aldri til eftirlaunaaldurs til þess að eiga rétt á ellilífeyri.

Ef einstaklingur er ríkisborgari í EES-ríki og býr ekki í Danmörku, en í öðru EES-ríki, skal hann hafa búið í Damörku í þrjú ár frá 15 ára aldri til eftirlaunaaldurs og hafa áunnið sér dönsk lífeyrisréttindi í a.m.k. eitt ár til að eiga rétt á dönskum ellilífeyri.

Nánari upplýsingar um skilyrði fyrir dönskum ellilífeyri á vfsíðunni: borger.dk.

Upplýsingar um upphæðir ellilífeyris eru á vefsíðunni: borger.dk.

Ef einstaklingur býr erlendis og sækir um dönsk eftirlaun skal hafa samband við þá stofnun sem sér um lífeyrisgreiðslur í búsetulandi.

Ef einstaklingur býr í Danmörku og sækir um eftirlaun í öðru ríki, skal hafa samband við: Pensionsstyrelsen.

Aðrar tegundir aldurstengdra eftirlauna

Auk ellilífeyris (folkepension) eru ýmsar aðrar tegundir lífeyris.

Lífeyrisuppbót vinnumarkaðarins (ATP) er eins og ellilífeyrir lögbundin.

Þar að auki eru fleiri lífeyrissjóðir sem aðilar vinnumarkaðarins hafa komið sér saman um í kjarasamningum í vissum starfsgreinum.

Þá má nefna frjálsan lífeyrissparnað einstaklinga sem fólk velur sér sjálft án íhlutunar atvinnurekanda en hann er lagður fyrir í bönkum eða lífeyrissjóðum.

Eftirlaun veitt fyrir venjulegan eftirlaunaaldur (Førtidspension)

Ef einstaklingar sjá sér ekki farborða af heilsufarsástæðum, geta þeir sótt um eftirlaun veitt fyrir venjulegan eftirlaunaaldur.

Fólk á aldrinum 18 - 65 ára getur sótt um þessa tegund eftirlauna.

Sótt er um eftirlaunin hjá sveitarfélaginu.

Nánari upplýsingar um eftirlaunin á vefsíðunni: borger.dk.

Skattlagning lífeyris

Nánari upplýsingar um skattlagningu lífeyris á Norðurlöndum er að finna á norrænu skattavefgáttinni: e-Tax.

Tengt efni
  • Samkomulag um samræmingu lífeyrisréttinda (Agreement)

    Samkomulag milli Danmerkur, Finnlands, Íslands, Noregs og Svíþjóðar um samræmingu lífeyrisréttinda samkvæmt lífeyrisreglum ríkisstarfsmanna. Undirritaður 1. júní 2001 og tók gildi 1. mars 2002.
  • När du som arbetat utomlands går i pension (Video)

    Du tjänar in pension i det land där du arbetar. Du som har arbetat i både Sverige och Danmark kan ha rätt till pension från båda länderna. Den här filmen berättar mer.
  • Öresund Direkt (Organisation)

    Öresund direkt er upplýsingaþjónusta, sem miðlar opinberum upplýsingum til almennings og atvinnulífs á Eyrarsundssvæðinu.
  • Upplýsingaþjónustan Halló Norðurlönd (Organisation)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.

 

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.