Ríkisfang við fæðingu

Ríkisfang barns við fæðingu, fer eftir ríkisfangi foreldra og þeim lögum sem gilda um danskan ríkisborgararétt á fæðingardegi.

Eftirfarandi upplýsingar lýsa núgildandi reglum. Á vefsíðu Útlendingaeftirlitsins eru reglur um börn sem fædd eru fyrir 1999 .

Ef foreldrar eru giftir

Barn verður sjálfkrafa danskur ríkisborgari við fæðingu ef foreldrar eru giftir og annað hvort faðir eða móðir eru með danskt ríkisfang.

Ef foreldrar eru ekki giftir

Ef foreldrar barns eru ekki giftir þegar barn fæðist, verður barnið sjálfkrafa danskur ríkisborgari hafi móðirin danskt ríkisfang.

Ef faðirinn er danskur ríkisborgari og móðirin af erlendu bergi brotin, verður barnið sjálfkrafa danskur ríkisborgari fæðist það í Danmörku.

Fæðist barnið í útlöndum og foreldrar ganga í hjónaband eftir fæðingu, verður barnið danskur ríkisborgari frá og með þeim tíma sem foreldrar ganga í hjónaband.

• Nánari upplýsingar á vefsíðu Útlendingaeftirlitsinsreglur um ríkisborgararrétt við fæðingu

Tvöfalt ríkisfang

Það er grundvallarregla í dönskum lögum að takmarka tvöfalt ríkisfang eins og mögulegt er.

Einstaklingur sem er danskur ríkisborgari og fær ríkisborgararétt í öðru landi, missir því sjálfkrafa danskt ríkisfang sitt.

Það er þó mögulegt að hafa tvöfalt ríkisfang í Danmörku ef tvöfalt ríkisfang fæst sjálfkrafa. Þetta á við til að mynda ef barn sem fæðist í Noregi, á danska móður og norskan föður.

Norrænn ríkisborgari sem sækir um danskt ríkisfang

Ríkisborgarar í öðru norrænu ríki geta fengið danskt ríkisfang samkvæmt tveimur ólíkum reglum: með yfirlýsingu eða með því að veittur er ríkisborgararéttur.

Ríkisborgari með yfirlýsingu

Norrænir ríkisborgarar, geta undir vissum kringumstæðum orðið danskir ríkisborgarar með því að gefa yfirlýsingu til ríkisins.

Til þess að fá danskt ríkisfang með yfirlýsingu verður einstaklingur að:

• vera milli 18 og 23 ára gamall
• hafa ekki verið refsað
• og hafa hreint sakavottorð
• eiga lögheimili í Danmörku og hafa búið þar samtals í 10 ár, þar af a.m.k. 5 af síðustu 6 árum.

Hafi einstaklingi ekki verið veittur ríkisborgararéttur (þ.e. eftir að hann hefur sótt um ríkisborgararétt), getur hann orðið danskur ríkisborgari með yfirlýsingu ef:

• hann er orðinn 18 ára,
• á lögheimili í Danmörku og hefur búið þar undanfarin 7 ár, og
• hefur ekki á þessum tíma verið dæmdur til refsingar eða á stofnun, sem samsvarar refsingu.

Auk þess er gert skilyrði um að einstaklingur samþykki að afsala sér öðrum ríkisborgararétti um leið og hann fær danskt ríkisfang með yfirlýsingu.

• Nánar um ríkisfang með yfirlýsingu á vefsíðu hins opinbera. Þar má einnig nálgast yfirlýsingareyðublaðið.

Veiting ríkisborgararréttar

Einstaklingur sem ekki uppfyllir kröfur um ríkisfang með yfirlýsingu, getur, sem norrænn ríkisborgari, sótt um að fá veitt danskt ríkisfang, það er með „lagatillögu um ríkisborgararétt".

Uppfylla þarf eftirfarandi skilyrði:

• Einstaklingur verður að gefa tryggðaryfirlýsingu
• Hann verður að afsala sér fyrri ríkisfangi.
• Hann verður að eiga lögheimili í Danmörku og hafa búið þar í 2 ár
• Hann verður að hafa hreint sakavottorð.
• Hann má ekki vera í vanskilum við hið opinbera
• Hann verður að geta séð fyrir sér
• Hann verður að geta sýnt fram á skjalfesta dönskukunnáttu sína (sænskir og norskir ríkisborgara geta sýnt fram á dönskukunnáttu með því að vísa fram lokaprófskírteini frá sænskum eða norskum grunnskóla) og
• verður að geta sýnt fram á þekkingu á dönskum samfélagsaðstæðum, danskri menningu og sögu með því að taka sérstakt próf fyrir þá sem sækja um ríkisfang í Danmörku (sænsku- og norskumælandi umsækjendur þurfa ekki að þreyta prófið).

Nánari upplýsingar á vefsíðu Útlendingaeftirlitsins ríkisfang í Danmörku. Þar er einnig umsóknareyðublað sem fylla þarf út ef sótt er um veitingu ríkisborgararéttar.

Þeir sem sækja um ríkisfang og eru ekki norrænir ríkisborgarar

Þeir sem vilja verða danskir ríkisborgarar og eru ekki norrænir ríkisborgarar, fá nánari upplýsingar á vefsíðu Útlendingaeftirlitsins skilyrði sem uppfylla þarf til að verða danskur ríkisborgari.

Lögin

Reglur um danskt ríkisfang eru á vefsíðu um ríkisborgararétt