Document Actions

Framhaldsskólar á Íslandi

Á Íslandi eru reknir yfir þrjátíu framhaldsskólar víða um landið og fjölbreyttar námsleiðir eru í boði. Hér má finna almennar upplýsingar um skráningu í framhaldsskóla og uppbyggingu framhaldsskólanáms á Íslandi.

Ungdommar
Ljósmyndari
Magnus Fröderberg/norden.org

Framhaldsskólastigið tekur að öllu jöfnu til aldurshópsins 16-20 ára. Boðið er upp á margvíslegar námsbrautir í yfir 30 framhaldsskólum víðs vegar um landið. Skólaárið í íslenskum framhaldsskólum er níu mánuðir. Greitt er skráningargjald í framhaldsskólum, sem er mishátt eftir skólum. Nemendur greiða sjálfir fyrir skólabækur og annað námsefni.

Flestir taka stúdentspróf á fjórum árum en í ákveðnum skólum er mögulegt að hraða námi sínu og taka stúdentspróf á styttri tíma, allt niður í tvö ár. Mögulegt er að stunda nám til stúdentsprófs á ensku í einum framhaldsskóla á höfuðborgarsvæðinu.

Í starfsmenntaskólum lýkur námi í iðngreinum yfirleitt með sveinsprófi, sem svo veitir inngöngu í iðnmeistaranám. Í flestum tilfellum er mögulegt að bæta við námseiningum og taka stúdentspróf. Margir framhaldsskólar bjóða einnig upp á styttri námsleiðir með beinni tengingu við atvinnulífið.

Skráning í nám á framhaldsskólastigi fer fram á netinu á menntagatt.is. Í sumum framhaldsskólum er mögulegt að skrá sig tvisvar á ári, á vorin og síðla árs, en í öðrum aðeins á vorin.

Á heimasíðu Mennta- og menningarmálaráðuneytisins má finna lista yfir alla framhaldsskóla á Íslandi.

Tengt efni
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.
  • Menntakerfið á Íslandi

    Hér má finna upplýsingar um íslenskt menntakerfi, allt frá leikskóla til háskóla auk fullorðinsfræðslu. Sérstaklega er fjallað um íslenskukennslu fyrir útlendinga og nám sem fer fram á ensku.
  • Samningur um norrænt menntunarsamfélag á framhaldsskólastigi (Samningur)

    Samningur milli Danmerkur, Finnlands, Íslands, Noregs og Svíþjóðar um norrænt menntunarsamfélag á framhaldsskólastigi (sem tekur til almennra bóknáms- og starfsmenntaskóla)

 

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.