Document Actions

Grunnskóli í Noregi

Í norska skólakerfinu eiga börn rétt á tíu ára skólagöngu og eru flestir skólar á vegum hins opinbera. Eftirfarandi eru nánari upplýsingar um fræðsluskyldu og skólakerfi í Noregi.

Skolebarn, København
Ljósmyndari
Karin Beate Nøsterud/norden.org

Sveitarfélögin fjármagna grunnskólann í Noregi og hafa þau mikið frelsi hvað varðar skipulagningu fræðslunnar. Í Noregi eiga öll börn rétt á og ber skylda til að ganga í grunnskóla. Skyldan og rétturinn til grunnskólagöngu ganga í gildi þegar barnið hefur verið í Noregi í þrjá mánuði. Börn hefja skólagöngu í ágústmánuði það ár sem þau verða 6 ára. Grunnskólinn, sem er skylda, er tíu ár. Kennsla og námsgögn eru ókeypis. Skrá þarf barnið í skólann. Á vefsíðu Norsk skoleinformasjon eru heimilisföng og símanúmer allra grunnskóla í Noregi, bæði opinberra og einkarekinna.

Skólabörn í 1. – 4. bekk eiga kost á dvöl á skóladagheimili í tengslum við skólann fyrir og eftir skólatíma. Sveitarfélög í Noregi eru skyldug til að reka skóladagheimili á meðan skólaárið stendur yfir. Forráðamenn nemenda ráða hvort þeir notfæra sér það. Hafið samband við skólayfirvöld eða skólann sjálfan til að fá nánari upplýsingar um skóla og skóladagheimili.

Tengt efni
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.
  • Landamæraþjónustan (Samtök)

    Landamæraþjónustan er samstarf stjórnvalda í Svíþjóð og Noregi um landamæramál. Meginverkefni landamæraþjónustunnar er að svara spurningum einstaklinga og fyrirtækja sem stunda starfsemi af einhverju tagi yfir landamæri þjóðanna.

 

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.