Document Actions

Meðganga og fæðing í Noregi

Eftirfarandi eru upplýsingar um réttindi á meðgöngu í Noregi.

Barn
Ljósmyndari
Magnus Fröderberg/norden.org

Ef kona býr í Noregi og á aðild að almannatryggingakerfinu skal hún snúa sér til heimilislæknis við þungun. Barnshafandi konur greiða ekki fyrir læknisskoðanir á meðgöngu. Í kaflanum um flutninga til Noregs „Flytte til Norge” eru nánari upplýsingar um heimlislækna (Fastlegeordningen) og aðild að almannatryggingakerfinu. Nánari upplýsingar um heimilislækna (fastlegeordningen) eru einnig á vefsíðu Helfo

Í starfi á meðan á meðgöngu stendur

Vinnuumhverfislögin skylda vinnuveitendur til að sjá til þess að nauðsynleg aðlögun eða flutningur í annað starf eigi sér stað, ef kona er þunguð og getur ekki haldið áfram í starfi sínu af heilsufarslegum ástæðum. Nánari upplýsingar á vefsíðu NAV.

Meðgöngugreiðslur

Þungaðar konur eiga kost á meðgöngugreiðslum ef þær geta ekki unnið á meðgöngutímanum vegna hættu á að skaða fóstrið. Aðild að norska almannatryggingakerfinu (Folketrygden) er skilyrði fyrir meðgöngugreiðslum.

Á vefsíðu NAV eru nánari upplýsingar um hvenær hægt er að fá meðgöngugreiðslur, hvernig sótt er um og um upphæðir.

Tengt efni
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.
  • Landamæraþjónustan (Samtök)

    Landamæraþjónustan er samstarf stjórnvalda í Svíþjóð og Noregi um landamæramál. Meginverkefni landamæraþjónustunnar er að svara spurningum einstaklinga og fyrirtækja sem stunda starfsemi af einhverju tagi yfir landamæri þjóðanna.

 

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.