Document Actions

Ríkisborgararéttur í Noregi

Eru þeir sem fæðast í Noregi norskir ríkisborgarar? Er hægt að vera ríkisborgari í örðu landi í viðbót við Noreg? Hvernig verður maður norskur ríkisborgari? Eftirfarandi eru þær reglur sem gilda um norskan ríkisborgararétt.

Sko med det norske flagget
Ljósmyndari
Karin Beate Nøsterud/norden.org

Barn fætt síðar en 31. ágúst 2006

Samkvæmt lögum sem gengu í gildi 1. september 2006, verður barn norskrar móður eða föður alltaf norskur ríkisborgari við fæðingu. Þá skiptir engu hvort barnið er fætt í Noregi eða erlendis, né hvort foreldrarnir eru giftir eða ekki.

Barn fætt fyrir 1. september 2006 varð norskur ríkisborgari við fæðingu ef:

  • Móðirin var norsk,
  • Faðirinn var norskur og foreldrarnir giftir,
  • Faðirinn var látinn en var norskur ríkisborgari og kvæntur barnsmóður sinni þegar hann lést

Þar sem barnið verður sjálfkrafa norskt við fæðingu er ekki nauðsynlegt að tilkynna það sérstaklega til þess að tryggja að barnið fái norskt ríkisfang. En það þarf hins vegar að sækja um norskt vegabréf handa barninu hjá lögreglu, eða sendiskrifstofum norska utanríkisráðuneytisins ef fólk er búsett erlendis.

Tvöfalt ríkisfang

Fólk getur yfirleitt ekki haft tvöfalt ríkisfang samkvæmt norskum lögum. Þó heimila lögin í vissum tilvikum að umsækjendur hafi fleiri en eitt ríkisfang. Það á m.a. við í eftirfarandi tilvikum:

  • Ef fólk fæðist með tvöfalt ríkisfang vegna þess að það hefur fengið norskt og erlent ríkisfang foreldra sinna (til dæmis norskrar móður og erlends föður)
  • Ef barn norskra foreldra fæðist í landi þar sem sú regla gildir að barn sem fæðist innan landhelgi þess fái sjálfkrafa ríkisfang í landinu Í slíkum tilfellum getur fólk bæði haft norskt ríkisfang og ríkisfang fæðingarlandsins.
  • Þegar fólk getur ekki sagt upp upprunalegu ríkisfangi sínu þótt það sæki um norskt ríkisfang.
  • Ef barn sem fætt er fyrir 1. september 2006 er skráð norskt.

Nánari upplýsingar eru á vefsíðu UDIundir fyrirsögninni „statsborgerskap".

Hvernig verð ég norskur ríkisborgari?

Norrænir borgarar, 12 ára og eldri, sem hafa búið í Noregi síðustu tvö árin geta sótt um norskan ríkisborgararétt. Norrænum ríkisborgurum yfir 18 ára aldri sem búið hafa í Noregi í sjö ár eða lengur nægir að tilkynna sig sem norska ríkisborgara í stað þess að þurfa að sækja um ríkisborgarréttinn. Nánari upplýsingar eru á vefsíðu UDI.

Tengt efni
  • Kosningaréttur í Noregi

    Eftirfarandi eru skilyrði sem uppfylla þarf til að öðlast kosningarétt til þingkosninga, kosninga til fylkisþings og sveitarstjórnarkosninga í Noregi.
  • Samningur um framkvæmd tiltekinna ákvæða um ríkisborgararétt (Samningur)

    Samningur milli Danmerkur, Finnlands, Íslands, Noregs og Svíþjóðar um framkvæmd tiltekinna ákvæða um ríkisborgararétt.
  • Landamæraþjónustan (Samtök)

    Landamæraþjónustan er samstarf stjórnvalda í Svíþjóð og Noregi um landamæramál. Meginverkefni landamæraþjónustunnar er að svara spurningum einstaklinga og fyrirtækja sem stunda starfsemi af einhverju tagi yfir landamæri þjóðanna.
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.

 

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.