Document Actions

Þjóðskrá í Noregi

Að neðan eru upplýsingar um hve lengi einstaklingar mega dvelja í Noregi (þó ekki á Svalbarða) án þess að skrá sig í þjóðskrá og hvernig skráning fer fram ef viðkomandi hyggst dvelja í Noregi lengur en sex mánuði.

Människor
Ljósmyndari
Image select

Norrænir ríkisborgarar eiga rétt á að dvelja í Noregi í allt að sex mánuði án þess að skrá sig í þjóðskrá. Norrænir ríkisborgarar þurfa hvorki atvinnu- né dvalarleyfi til þess að búa eða starfa í Noregi.

Þegar fólk flyst til Noregs frá öðru norrænu ríki, gildir norræni þjóðskráningarsamningurinn en að honum standa Danir, Finnar, Íslendingar, Norðmenn og Svíar. Hann kveður á um að fólk geti aðeins verið skráð í einu Norrænu ríki í senn. Reglur í aðflutningslandinu segja til um hvernig á að skrá sig inn í landið.

Ef einstaklingur er búsettur og skráður í þjóðskrá í Noregi, er viðkomandi venjulega aðili að norska almannatryggingakerfinu og þar með sjúkra- og félagstryggður í Noregi. Ef viðkomandi starfar erlendis eða er sendur af vinnuveitanda til þess að starfa í Noregi, er mögulegt að hann sé sjúkra- og félagstryggðir í öðru landi. Ef einstaklingur er búsettur og skráður í þjóðskrá í Noregi, er meginreglan sú að viðkomandi á rétt á að vera skráður hjá norskum heimilislækni, nánar um þetta á vefsíðunni «Helsevesen og sykeforsikring».

Ef ráðgert er að dvelja lengur en 6 mánuði

Ef ráðgert er að búa í Noregi lengur en í 6 mánuði, skal tilkynna flutning til Noregs. Það skal gerast í síðasta lagi átta dögum eftir að flutningur á sér stað. Til að tilkynna um flutning skal viðkomandi mæta á eitt af 41 útibúum skattsins (þjóðskrár) í landinu. Þar skal fylla út eyðublað RF-1401. Eyðublaðið má nálgast á skattstofunni, eða á vefsíðu skattayfirvalda.

Við sama tækifæri skal leggja fram gild persónuskilríki og skjöl. Á vefsíðu skattayfirvalda eru reglur um hvaða skjöl skala hafa meðferðir ásamt upplýsingum um hvar útibúin eru.

Við skráningu í þjóðskrá í Noregi, er gefið út norskt fæðingarnúmer (kennitala). Athugið að brottflutningslandið getur krafist þess að tilkynnt sé um brottflutning til þjóðskrár í brottflutningslandi.

Viðkomandi mun halda fæðingarnúmerinu jafnvel þó hann flytji frá Noregi seinna.

    Ef ráðgert er að dvelja skemur en 6 mánuði

    Meginreglan er sú að norrænir ríkisborgarar sem dvelja skemur en sex mánuði í Noregi þurfa ekki að skrá sig inn í landið. Aftur á móti getur viðkomandi fengið úthlutað D-númeri ef hann uppfyllir ekki skilyrði þess að fá fæðingarnúmer. Einstaklingar þurfa m.a. D-númer til þess að fá skattkort eða stofna bankareikning í Noregi. Einstaklingar geta t.d. fengið D-númer á skattsofunni, í bankanum eða hjá tryggingastofnun (NAV). Heildarlisti yfir staði sem úthluta D-númerum er á vefsíðu tollstjóra.

    Til þess að sækja um D-númer þarf viðkomandi að geta sannað hver hann er, annað hvort með vegabréfi eða ökuskírteini ásamt vottorði frá þjóðskrá í heimalandi. Vottorðið má ekki vera eldra en þriggja mánaða gamalt.

    Ef einstaklingur ákveður að dvelja áfram í Noregi að sex mánuðum liðnum, skal hann hafa samband við skattstjóra og skrá sig í þjóðskrá í Noregi. Að því loknu fær hann fæðingarnúmer.

     

    Tengt efni
    • Samningur um almannaskráningu (Samningur)

      Samningur milli Danmerkur, Finnlands, Íslands, Noregs og Svíþjóðar um almannaskráningu.
    • Bókun um að leysa ríkisborgara Íslands, Danmerkur, Finnlands, Noregs og Svíþjóðar undan skyldu til að hafa í höndum vegabréf og dvalarleyfi við dvöl í öðru norrænu landi en heimalandinu (Samningur)

      Bókunin var undirrituð 22. maí 1954 af fulltrúum Danmerkur, Finnlands, Noregs og Svíþjóðar og gekk í gildi 1. júlí 1954. Ísland gerðist aðili að bókuninni með erindaskiptum við aðildarríki bókunarinnar 1. desember 1955. Færeyjar gerðust aðili að bókuninni 1. janúar 1966. Bókunin er ekki til í íslenskri þýðingu þar sem íslenska er ekki eitt opinberra mála bókunarinnar. Hér birtist því dönsk útgáfa bókunarinnar og fyrir neðan hana birtast erindaskipti sænskra og íslenskra yfirvalda í tengslum við aðild Íslands að bókuninni sem dæmi um erindaskipti Íslands og aðildarríkja bókunarinnar.
    • Upplýsingaþjónustan Halló Norðurlönd (Samtök)

      Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.
    • Landamæraþjónustan (Samtök)

      Landamæraþjónustan er samstarf stjórnvalda í Svíþjóð og Noregi um landamæramál. Meginverkefni landamæraþjónustunnar er að svara spurningum einstaklinga og fyrirtækja sem stunda starfsemi af einhverju tagi yfir landamæri þjóðanna.

     

    Viltu spyrja Halló Norðurlönd?

    Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.