Document Actions

Kosningaréttur í Svíþjóð

Kosið er í Svíþjóð á fjögurra ára fresti. Eftirfarandi reglur gilda um kosningarétt.

Sveitastjórna- og landsþingskosningar

Ríkisborgarar Norðurlanda og ESB/EES ríkjanna sem orðnir eru 18 ára á kosningadag hafa kosningarétt í sveitastjórna- og landsþingskosningum í Svíþjóð.

Þeir sem hafa verið skráðir í þjóðskrá í Svíþjóð í þrjú ár fyrir kosningar hafa einnig kosningarétt. Viðkomandi verður að eiga lögheimili í þeirri sýslu eða sveitarfélagi sem hann kýs í.

Þingkosningar

Aðeins sænskir ríkisborgarar sem eru orðnir 18 ára og eru, eða hafa einhvern tíma verið, skráðir í þjóðskrá í Svíþjóð hafa rétt til að kjósa til þings (Riksdagen)

Evrópuþingið

Allir ESB-borgarar sem orðnir eru 18 ára á kosningadegi (þó ekki borgarar EES-ríkjanna) sem búsettir eru í Svíþjóð hafa rétt til að kjósa til Evrópuþingsins, að því gefnu að þeir kjósi ekki til sama þings í öðru ESB-ríki.

Kosningaréttur

Upplýsingar í íbúaskrá Skattstofunnar 30 dögum fyrir kosningar ákvarða kosningarétt einstaklinga. Allir þeir sem hafa kosningarétt fara sjálfkrafa á kjörskrá fyrir hverjar kosningar og fá kosningakort sent heim í pósti. Kjörskrá er listi með nöfnum allra þeirra sem hafa kosningarétt. Nánar á vefsíðu viðkomandi stjórnvalda sem sjá um kosningar.

Tengt efni
  • Landamæraþjónustan (Samtök)

    Landamæraþjónustan er samstarf stjórnvalda í Svíþjóð og Noregi um landamæramál. Meginverkefni landamæraþjónustunnar er að svara spurningum einstaklinga og fyrirtækja sem stunda starfsemi af einhverju tagi yfir landamæri þjóðanna.
  • Upplýsingaþjónustan Halló Norðurlönd (Samtök)

    Halló Norðurlönd er upplýsingaþjónusta Norrænu ráðherranefndarinnar. Markmiðið er að auðvelda hreyfanleika einstaklinga á milli Norðurlandanna. Á vefsíðunni eru reglur sem gilda fyrir þá sem flytja til, stunda nám eða starfa í norrænu ríkjunum. Einnig er hægt að senda in spurningar um sérstök mál á sænsku, dönsku, norsku, finnsku og íslensku.
  • Öresund Direkt (Samtök)

    Öresund direkt er upplýsingaþjónusta, sem miðlar opinberum upplýsingum til almennings og atvinnulífs á Eyrarsundssvæðinu.

 

Viltu spyrja Halló Norðurlönd?

Spurningar um flutning, vinnu og nám á Norðurlöndunum má senda með því að fylla út rafrænt eyðublað. Spurningum er svarað af starfsfólki upplýsingaþjónustunnar Halló Norðurlönd.